Գեղարքունիքի մարզպետի աշխատակազմ

Ի կատարումն ՀՀ կառավարության հանձնարարականի և ՀՀ Գեղարքունիքի մարզպետի որոշման՝ մարզպետի աշխատակազմում ստղծվել է աշխատանքային խումբ, որի անդամները Սևան համայնքում հանդիպել են շահագրգիռ գյուղացիական և ֆերմերային տնտեսությունների առանձին գյուղացիների ու տնտեսավարողների հետ, ովքեր զբաղվում են անասնապահությամբ:
Տնտեսվարողներին ներկայացվել է փոքր և միջին «խելացի» անասնաշենքերի կառուցման կամ վերակառուցման և դրանց տեխնոլոգիական ապահովման աջակցության ծրագրի իրագործման ձևերի ու հնարավորությունների մասին, ցուցաբերվել աջակցություն՝ այդ ծրագրից օգտվելու կարգի վերաբերյալ:
Սևան համայնքում հանդիպմանը մասնակցել են 39 տնտեսավարողներ, ինչպես նաև բնակավայրերի վարչական ղեկավարներ, համայնքապետարանի համապատասխան մասնագետներ և այլ շահագրգիռ անձինք:
Համայնքների ղեկավարների հետ քննարկվել է նաև ՀՀ կառավարության հանձնարարականը՝ Փոքր և միջին «Խելացի» անասնաշենքերի կառուցման կամ վերակառուցման և դրանց տեխնոլոգիական ապահովման աջակցության ծրագրի շրջանակներում համայնքային նշանակության հողերի վրա որոշակի կլաստերներ ստեղծելու ուղղությամբ՝ «խելացի» անասնագոմերը կառուցելով այնպիսի հեռավորությունների վրա, որ մթերող կազմակերպությունների աշխատանքները լինեն արդյունավետ:
Քննարկվել է նաև ՀՀ հողային օրենսգրքի 60-րդ հոդվածով նախատեսված հողամասերի ցանկում գտնվող, բնակավայրերին կից արոտավայրերից «Խելացի» անասնագոմ կառուցելու ցանկություն հայտնած քաղաքացիներին հողատարածք հատկացնելու խնդրին օրենսդրական կարգավորումներ տալու հարցը։
Քննարկումների ընթացքում անրադարձ է եղել նաև գյուղատնտեսական մթերքների /կաթ, ցորեն, կարտոֆիլի/ իրացման ցածր գներին, առաջարկվել է գների կայունություն ապահովելու նպատակով մարզում ստեղծել գյուղմթերքներ արտադրողների և իրացնողների ընկերություններ:
Մասնակիցներին առաջարկվել է նաև համայնքում մշակվող ավանդական մշակաբույսերը աստիճանաբար փոխարինել ոչ ավանդական՝ բարձրարժեք մշակաբույսերով։
Մասնակիցների մոտ հետաքրքրություն է առաջացրել հատկապես արդյունաբերական խեցգետնաբուծության զարգացման ծրագիրը:
Քննարկումներ են տեղի ունեցել նաև Գյուղատնտեսության ոլորտի պետական աջակցության մյուս ծրագրերի վերաբերյալ։