Գեղարքունիքի մարզպետի աշխատակազմ

Գեղարքունիքի մարզի Ճամբարակ համայնքի Ջիլ գյուղում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում կառուցվել է լուսավորության, խմելու ջրատարի ներքին և արտաքին ցանցեր։
Ջիլի արտաքին լուսավորության ցանցը կառուցվել է «ՀՀ Գեղարքունիքի մարզի Շողակաթ համայնքի 6 բնակավայրերում փողոցների արտաքին լուսավորության ցանցի կառուցման աշխատանքներ» ծրագրի ընդհանուր փաթեթի շրջանակներում, 25 միլիոն դրամ պայմանագրային արժեքով, որի 70 տոկոսը հատկացրել է ՀՀ կառավարությունը, 30 տոկոսը՝ Շողակաթի համայնքապետարանը։
Շինարարական աշխատանքները սկսվել են 2022 թվականի սեպտեմբեր ամսին և ավարտվել 2023 թվականի ապրիլ ամսին։ Ծրագրի իրականացման արդյունքում Ջիլի 2 փողոցներում կառուցվել է շուրջ 970 մետր երկարության արտաքին լուսավորության ցանց։ Տեղադրվել է ԼԵԴ համակարգով աշխատող 27 լուսատու։
 Ջիլի խմելու ջրատարի ներքին և արտաքին ցանցերը կառուցվել են «ՀՀ Գեղարքունիքի մարզի Շողակաթ համայնքի Դրախտիկ, Ջիլ և Արտանիշ բնակավայրերում խմելու ջրագծի ներքին և արտաքին ցանցի կառուցման աշխատանքներ» ծրագրի ընդհանուր փաթեթի շրջանակներում, 34 միլիոն 749 հազար դրամ պայմանագրային արժեքով, որի 70 տոկոսը հատկացրել է ՀՀ կառավարությունը, 30 տոկոսը՝ Ճամբարակի համայնքապետարանը։
Շինարարական աշխատանքները մեկնարկել են 2022 թվականի սեպտեմբերին և ավարտվել 2023 թվականի մարտ ամսին։ Ծրագրի իրականացման արդյունքում Ջիլում կառուցվել է 520 գծամետր երկարության խմելու ջրատարի արտաքին և 400 մետր երկարության ջրատարի ներքին ցանց, ինչի շնորհիվ բարելավվել է բնակավայրի տնտեսությունների ջրամատակարարումը։
2022 թվականի հոկտեմբերից Շողակաթ համայնքը ՀՀ կառավարության համապատասխան որոշմամբ միավորվել է Գեղարքունիքի մարզի Ճամբարակ խոշորացված համայնքին։