Գեղարքունիքի մարզպետի աշխատակազմ

Գեղարքունիքի մարզի Մարտունի քաղաքում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում հիմնանորոգվել է Մարտունու համայնքապետարանի շենքը, առանձին ծրագրով շենքի կարիքների համար ձեռք է բերվել գույք, գազատար է կառուցվել Նարեկացի եւ Իշխան Խաչատրյան փողոցներում, մայթերի կառուցման եւ սալարկման աշխատանքներ են իրականացվել Գետափնյա-2, Կոմիտաս, Գարեգին Նժդեհ, Կարապետյան եւ Վարդան Մամիկոնյան փողոցներում, իսկ Գարեգին Նժդեհ, Կոմիտաս եւ Գետափնյա-2 փողոցների հիմնանորոգման աշխատանքները տեղափոխվել են 2023 թվական եւ մեկնարկել այս տարվա մայիս ամսից։
 Մարտունու համայնքապետարանի շենքի հիմնանորոգման ծրագրի իրականացման պայմանագրային արժեքը կազմել է 40 միլիոն դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Մարտունու համայնքապետարանը։
Ծրագրի իրականացման արդյունքում հիմնանորոգվել է համայնքապետարանի 2-րդ եւ 4-րդ հարկերի 24 աշխատասենյակ եւ նիստերի դահլիճը։ 777 քառակուսի մետր մակերես կազմում են աշխատասենյակները, 245 քառակուսի մետր՝ նիստերի դահլիճը եւ նախասրահը։ Իրականացվել են ներքին հարդարման աշխատանքներ, անցկացվել է ջեռուցման համակարգ, տեղադրվել են նոր պատուհաններ եւ դռներ։ Շինարարական աշխատանքներն ավարտվել են 2023 թվականի մարտին։
Մարտունու համայնքապետարանի շենքի կարիքների համար ձեռք է բերվել գույք «Ծովինարի, Զոլաքարի մանկապարտեզների, Վարդենիկի երաժշտական դպրոցի եւ համայնքապետարանի կարիքների համար գույքի ձեռքբերում» սուբվենցիոն ծրագրի շրջանակներում։
Ծրագրի պայմանագրային արժեքը կազմել է 88 միլիոն դրամ, որի 50 տոկոսը հատկացրել է ՀՀ կառավարությունը, 50 տոկոսը՝ Մարտունու համայնքապետարանը։ Մարտունու համայնքապետարանի գույքի ձեռքբերման համար ծախսվել է շուրջ 30 միլիոն դրամ։
Ծրագրերի ավարտի արդյունքում Մարտունու համայնքապետարանն ապահովվել է ժամանակակից պայմաններով հագեցած նիստերի դահլիճով եւ աշխատասենյակներով։
 Մարտունի քաղաքի Գետափնյա-2, Կոմիտաս, Գարեգին Նժդեհ, Կարապետյան եւ Վարդան Մամիկոնյան փողոցների մայթերի կառուցման եւ սալարկման ծրագրի իրականացման պայմանագրային արժեքը կազմել է 318 միլիոն 249 հազար 600 դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Մարտունու համայնքապետարանը։
Բացառությամբ Կարապետյան փողոցի, որի երթեւեկելի մասի, մայթերի եւ ջրահեռացման համակարգի հիմնանորոգումը տեղափոխվել է 2023 թվական, մնացած տեղերում իրականացվել է մայթերի կառուցում եւ սալիկապատում՝ 3503 գծամետր ընդհանուր երկարությամբ եւ 7695 քառակուսի մետր մակերեսով։
 Մարտունի քաղաքի Նարեկացի եւ Իշխան Խաչատրյան փողոցների գազիֆիկացման ծրագրի պայմանագրային արժեքը կազմել է 18 միլիոն 600 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Մարտունու համայնքապետարանը։ Կառուցվել է 1800 գծամետր երկարության ստորգետնյա գազատար։
Ծրագրի իրականացման արդյունքում բնական գազից օգտվելու հնարավորություն կունենա Մարտունու նորաստեղծ թաղամասերի շուրջ 200 տնտեսություն։
Գարեգին Նժդեհ փողոցի հիմնանորոգման ծրագրի պայմանագրային արժեքը կազմում է 151 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։ Ծրագրով նախատեսվում է ասֆալտապատել 1100 մետր երկարության եւ 6154 քառակուսի մետր մակերես ունեցող ճանապարհ՝ ջրահեռացման համակարգի կառուցմամբ։
 Կոմիտաս փողոցի հիմնանորոգման ծրագրի պայմանագրային արժեքը կազմում է 71 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։ Նախատեսվում է Կոմիտաս փողոցում ասֆալտապատել 600 մետր երկարության եւ 5312 քառակուսի մետր մակերես ունեցող ճանապարհ՝ ջրահեռացման համակարգի կառուցմամբ։
Գետափնյա-2 փողոցի հիմնանորոգման ծրագրի պայմանագրային արժեքը կազմում է 63 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունու համայնքապետարանը։ Ծրագրով նախատեսվում է Գետափնյա-2 փողոցի ասֆալտապատում՝ 600 գծամետր երկարությամբ եւ 2500 քառակուսի մետր մակերեսով՝ ջրահեռացման համակարգի կառուցմամբ։ Շինարարական աշխատանքները մեկնարկել են 2023 թվականի մայիսի 15-ից եւ կավարտվեն այս տարվա ընթացքում։
Այսպիսով՝ Մարտունի քաղաքի 2022 թվականի սուբվենցիոն ծրագրերի ընդհանուր արծեքը կազմել է 749 մլն 849 849 հազար ՀՀ դրամ