Գեղարքունիքի մարզպետի աշխատակազմ

Գեղարքունիքի մարզի Ճամբարակ համայնքի Անտառամեջ բնակավայրում ՀՀ կառավարության կողմից 2022 թվականին իրականացվող սուբվենցիոն ծրագրերի շրջանակներում հիմնանորոգվել է վարչական շենքը, կառուցվել արտաքին լուսավորության ցանց։
Անտառամեջ բնակավայրի վարչական շենքի պայմանագրային արժեքը կազմել է 9 միլիոն 60 հազար դրամ, որի 60 տոկոսը հատկացրել է ՀՀ կառավարությունը, 40 տոկոսը՝ Ճամբարակի համայնքապետարանը։
Շինարարական աշխատանքները մեկնարկել են 2022 թվականի սեպտեմբերից եւ ավարտի հասցվել մինչեւ տարեվերջ։
Իրականացվել է Անտառամեջի վարչական շենքի ներքին եւ արտաքին հարդարման աշխատանքներ, հատակի նորացում, բուժկետի նորոգում, բակային տարածքի բարեկարգում, սանհանգույցի կառուցում։
 Անտառամեջի արտաքին լուսավորության ցանցի կառուցման ծրագրի պայմանագրային արժեքը կազմում է 5 միլիոն 80 հազար դրամ, որի 70 տոկոսը հատկացրել է ՀՀ կառավարությունը, 30 տոկոսը՝ Ճամբարակի համայնքապետարանը։
Շինարարական աշխատանքները մեկնարկել են 2022 թվականի սեպտեմբերին եւ ավարտվել նույն տարվա վերջին։
Ծրագրի իրականացման արդյունքում Անտառամեջում կառուցվել է 1026 մետր ընդհանուր երկարության լուսավորության ցանց։ Տեղադրվել է ԼԵԴ համակարգով աշխատող 30 լուսատու։
Անտառամեջն իր պատմության մեջ արտաքին լուսավորության ցանց ունենում է առաջին անգամ։