Գեղարքունիքի մարզպետի աշխատակազմ

2023 թվականի մայիսի 15-ին ՀՀ տարածքային կառավարման և ենթակառուցվածքների նախարարության պատվերով հայտարարվել է մրցույթ՝ ՀՀ Արարատի մարզի Ուրցաձոր բնակավայրից դեպի Գեղարքունիքի մարզի Մարտունի քաղաք տանող ավտոճանապարհի կառուցման աշխատանքների նախագծերի պատրաստման և ծախսերի գնահատման ծառայությունների ձեռքբերման նպատակով: Ծառայությունների ձեռքբերման նախահաշվային արժեքը կազմում է 122 միլիոն դրամ:
Մեկնարկվող նախագիծը ռազմավարական կարևոր նշանակություն ունի Գեղարքունիքի և Արարատի մարզերի տնտեսությունների համար: Կառուցվող ավտոճանապարհի շահագործման դեպքում Արարատյան դաշտավայրն ամենակարճ ճանապարհով կապվելու է Սևանա լճի ավազանին՝ գործող ճանապարհը կրճատելով մոտ 120կմ-ով և նպաստելու է երկու մարզերի գյուղատնտեսության, առևտրի, տուրիզմի, արդյունաբերության և այլ ոլորտների զարգացմանը:
Մրցույթի հրավերի փաթեթները կբացվեն 2023 թվականի մայիսի 26-ին, ժամը 11:00-ին: