Գեղարքունիքի մարզպետի աշխատակազմ

Կարեն Սարգսյան / Karen Sargsyan

Մարտի 29-ին քաղաքացիների ընդունելություն կատարեցի Ճամբարակ համայնքում։
Ընդունելության եկած 39 քաղաքացիներից 23-ը դիմեցին դրամական աջակցության, 7-ը՝ պետպատվերի շրջանակներում բուժում կամ համապատասխան դեղորայք ստանալու, 9-ը՝ բազմաբնակարան շենքի ծխատարների կարգավորման, վառելիքի ձեռքբերման, ուսման վարձի փոխհատուցման, բնակարանի տանիքի նորոգման, հողամասի սեփականաշնորհման, վագոն-տնակի նորոգման, բնակարանի գազաֆիկացման, բնակարանի ձեռքբերման, կացարանի տրամադրման հետ կապված խնդիրներով։
Դրամական աջակցության համար դիմած քաղաքացիների խնդրանքը բավարարվեց տեղում, իսկ մնացած դիմումները գրանցվեցին եւ վերցվեցին հաշվառման, որոնց պատասխանը կտրվի անհրաժեշտ ուսումնասիրությունից հետո, օրենքով սահմանված կարգով եւ ժամկետներում։
Համապատասխան ուսումնասիրությունից հետո Ճամբարակի համայնքապետարանի հետ համագործակցությամբ կանենք հնարավորը՝ քաղաքացիների կողմից բարձրացված խնդիրներին լուծում տալու, նրանց օժանդակելու համար, որպեսզի կարողանան հաղթահարել առօրյա հոգսերն ու դժվարությունները։