Գեղարքունիքի մարզպետի աշխատակազմ

Գեղարքունիքի մարզի հանրակրթական դպրոցներից ՀՀ դպրոցականների առարկայական օլիմպիադայի մարզային փուլին մասնակցել են 461 աշակերտ, որոնցից 218-ը՝ հումանիտար, 243-ը՝ բնագիտամաթեմատիկական առարկաներից։
Ինչպես տեղեկացնում են Գեղարքունիքի մարզպետի աշխատակազմի կրթության, մշակույթի և սպորտի վարչությունից, առարկայական օլիմպիադայի մարզային փուլի մասնակիցներից 65-ը, ըստ մարզային և հանրապետական հանձնաժողովների կողմից ամփոփած տվյալների, երաշխավորվել են՝ մասնակցելու ՀՀ դպրոցականների առարկայական օլիմպիադայի հանրապետական փուլին, որը մեկնարկել է 2023 թվականի փետրվարի 18-ին և կշարունակվի մինչև մարտի 31-ը, բացառությամբ նախնական զինվորական պատրաստություն առարկայի, որը նախատեսված է անցկացնել 2023 թվականի մայիսի 12-14-ին։
Հանրապետական փուլին երաշխավորված 65 աշակերտներից 8-ը կմասնակցեն հայոց լեզու, 8 աշակերտ՝ հայ գրականություն, 8 աշակերտ՝ հայ եկեղեցու պատմություն, 8 աշակերտ՝ պատմություն, 7 աշակերտ՝ ՆԶՊ, 1 աշակերտ՝ մաթեմատիկա, 2 աշակերտ՝ քիմիա, 10 աշակերտ՝ աշխարհագրություն, 8 աշակերտ՝ ռուսաց լեզու, 3 աշակերտ՝ անգլերեն և 4 աշակերտ՝ գերմաներեն առարկաների օլիմպիադաներին։
Հանրապետական փուլի մասնակցությանը Գեղարքունիքի մարզից չեն երաշխավորվել կենսաբանություն, աստղագիտություն, ինֆորմատիկա և ֆիզիկա առարկաներից։
Բնագիտամաթեմատիկական առարկաների օլիմպիադային մասնակցում են 5-12-րդ դասարանների, իսկ հումանիտար առարկաներից՝ 9-12-րդ դասարանների աշակերտները։