Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետարանում կայացավ մարզային զորակոչային հանձնաժողովի հերթական նիստը
27.01.2023
Հունվարի 27-ին Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանն անցկացրեց 2023 թվականի մարզային զորակոչային հանձնաժողովի հերթական նիստը, որին մասնակցում էին զորակոչային հանձնաժողովի բոլոր անդամները, հրավիրված էր ՀՀ ՊՆ Զ և ԶՀԾ մարզային ստորաբաժանման զորակոչային բաժնի պետը, ՀՀ ՆԳ նախարարության ոստիկանության Գեղարքունիքի մարզային վարչության պետը։
Օրակարգում քննարկվեցին 2023 թվականի ձմեռային զորակոչի ավարտական փուլերին և զորակոչի աշխատանքներին ներգրավված կազմակերպությունների հետ համագործակցություն ծավալելուն ուղղված հարցեր, դիտարկվեցին ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից ներկայացված գործերը, որոնցից յուրաքանչյուրի վերաբերյալ կայացվեց համապատասխան որոշում։
Անդրադարձան նաև վարժական հավաքների կազմակերպման հետ կապված խնդիրների։
Քննարկված բոլոր հարցերի վերաբերյալ մարզպետի կողմից տրվեցին համապատասխան հանձնարարականներ։
