Գեղարքունիքի մարզպետի աշխատակազմ

ՀՀ կառավարության 2022 թվականի դեկտեմբերի 1-ի հերթական նիստում որոշում է կայացվել 571 417,3 հազար  դրամ հատկացնել Գեղարքունիքի մարզի մի շարք բնակավայրերում իրականացվող սուբվենցիոն ծրագրերի համար։

Որից՝ 225 020,0 հազար  դրամ հատկացվել է Սևան համայնքի Լճաշեն, Նորաշեն, Վարսեր, Գեղամավան, Զովաբեր և Չկալովկա գյուղերի ճանապարհների նորոգման աշխատանքների համար

24 088,5 հազար դրամ՝ Մարտունի համայնքի Ծովինար, Զոլաքար, Վաղաշեն, Գեղհովիտ, Ն. Գետաշեն, Ծակքար և Ձորագյուղ բնակավայրերի փողոցներում լուսավորության համակարգերի կառուցման աշխատանքների համար /Ծակքար բնակավայր/

65 152,6 հազար  դրամ՝ Մարտունի համայնքի Զոլաքար, Աստղաձոր, Վաղաշեն, Լիճք, Ձորագյուղ, Երանոս բնակավայրերում խմելու ջրագծերի համակարգերի կառուցման և վերանորոգման աշխատանքների համար /Լիճք բնակավայր/

9 036,8 հազար դրամ՝ Մարտունի համայնքի կենտրոնի Վարդենիկ, Զոլաքար, Աստղաձոր, Գեղհովիտ, Ն. Գետաշեն և Ձորագյուղ բնակավայրեր գազիֆիկացման աշխատանքների համար /Ներքին Գետաշեն բնակավայր/

248 119,4 հազար դրամ՝ Մարտունի համայնքի Արծվանիստ, Ծովինար, Վարդենիկ,Աստղաձոր, Վաղաշեն, Ն. Գետաշեն Մադինա, Ծակքար, Ձորագյուղ, Վարդաձոր, Երանոս բնակավայրերում ոռոգման համակարգերի կառուցման և նորոգման աշխատանքների համար /Վարդաձոր, Ծովինար, Ներքին Գետաշեն, Արծվանիստ բնակավայրեր/։