Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ընթացիկ վերապատաստում՝ Գեղարքունիքի մարզի նախադպրոցական ուսումնական հաստատությունների մասնագետների համար
02.12.2022
Նախադպրոցական կրթության բնագավառի մատչելության, հասանելիության, ներառականության և որակի բարձրացման շրջանակում 2022 թվականի նոյեմբեր ամսին Գեղարքունիքի մարզի մի շարք համայնքների նախադպրոցական ուսումնական հաստատությունների տնօրեններ, մեթոդիստներ, դաստիարակներ, ֆիզղեկներ և երաժշտության դաստիարակներ մասնակցել են մարզում կազմակերպված ընթացիկ վերապատրաստման դասընթացին:
Գործընթացն իրականացվել է «Հովակիմյան» ԳՐՈՒՊ կազմակերպության կողմից, որի վերապատրաստող անձնակազմում ընդգրկվել են ոլորտի արհեստավարժ և գիտակ մասնագետներ, Երևանի պետական մանկավարժական համալսարանի դասախոսներ:
Նախադպրոցական կրթության բնագավառի ուսումնադաստիարակչական գործընթացի մասնակիցների վերապատրաստումը միտված է երեխայի կրթության իրավունքի ապահովմանը, զարգացմանն ու դաստիարակությանը, անվտանգ միջավայրի ստեղծմանը, կյանքի, առողջության պահպանմանը և ամրապնդմանը:
Արդյունավետ համագործակցության արդյունքում մանկապարտեզների տնօրնները և մանկավարժական անձնակազմը կշարունակեն իրենց աշխատանքն առավել զինված գիտելիքներով:
Առաջնորդվելով «Նախադպրոցական կրթության մասին» օրենքի համապատասխան պահանջով՝ Գեղարքունիքի մարզում առաջիկայում կմեկնարկեն նաև նախադպրոցական ուսումնական հաստատությունների մանկավարժական աշխատողների պարտադիր վերապատրաստման դասընթացները: Այն կիրականացվի ՀՀ կրթության պետական կառավարման լիազորված մարմնի կողմից սահմանված կարգին համապատասխան:
