Նորություններ
Գեղարքունիքի մարզպետ Կարեն Սարգսյանը շրջայցով եղավ սուբվենցիոն ծրագրի շրջանակներում հիմնանորոգվող Մարտունու մանկական արվեստի դպրոցի շինհրապարակում
07.06.2022
Հունիսի 6-ին Գեղարքունիքի մարզպետ Կարեն Սարգսյանն այցելեց սուբվենցիոն ծրագրի շրջանակներում հիմնանորոգվող Մարտունու մանկական արվեստի դպրոցի շինհրապարակ
Շինարարության արժեքը կազմում է շուրջ 55 միլիոն դրամ, որի 50 տոկոսը տրամադրել է ՀՀ կառավարությունը, 50 տոկոսը՝ Մարտունի համայնքը։
Ծրագրի շրջանակներում նախատեսված է հին դռներն ու պատուհանները փոխարինել նորով և կատարել շենքի առաջին հարկի ներքին հարդարման աշխատանքներ։ Այս պահի դրությամբ աշխատանքների մոտ 70 տոկոսն իրականացվել է։
Ընդհանուր առմամբ իրականացված շինարարական աշխատանքները կարելի է գնահատել դրական:
Հանդիպեցի նաև արվեստի դպրոցի մանկավարժների հետ, զրուցեցինք իրենց առաջիկա ծրագրերի մասին։