Գեղարքունիքի մարզպետի աշխատակազմ

ՀՀ կառավարության համապատասխան որոշմամբ 2022 թվականին հանրապետության մարզերում նախատեսված է իրականացնել «Գյուղատնտեսության ոլորտի պետական աջակցության» 13 ծրագիր, որոնք են «Գյուղատնտեսության ոլորտին տրամադրվող վարկերի տոկոսադրույքների սուբսիդավորման», «2019-2024 թվականների տավարաբուծության զարգացման», ««Փոքր և միջին «խելացի» անասնաշենքների կառուցման կամ վերակառուցման և դրանց տեխնոլոգիական ապահովման աջակցության», «Ագրոպարենային ոլորտի սարքավորումների լիզինգի աջակցության», «2019-2023 թվականների ոչխարաբուծության և այծաբուծության զարգացման աջակցության, «Փոքր և միջին ջերմատնային տնտեսությունների ներդրման պետական աջակցության», «Գյուղատնտեսության ոլորտում ապահովագրական համակարգի ներդրման փորձնական ծրագրի իրականացման համար պետական աջակցության», «Աշնանացան ցորենի արտադրության խթանման 2021 թվականի պետական աջակցության», «Ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2023 թվականների», «Հողօգտագործողներին մատչելի գներով ազոտական, ֆոսֆորական և կալիումական պարարտանյութերի ձեռբերման աջակցության», «Գյուղատնտեսական հումքի մթերումների (գնումների) նպատակով ոլորտին տրամադրվող վարկերի տոկոսադրույքների սուբսիդավորման», «Անասնաբուծության ճյուղում իրականացվող ներդրումային ծրագրերին աջակցության տրամադրման» փորձնական ծրագրերը:
Սույն ծրագրերի մասին հանրությանը իրազեկելու և դրանցից օգտվելու հնարավորություններին ծանոթացնելու նպատակով Գեղարքունիքի մարզպետի հանձնարարությամբ մարզպետարանի գյուղատնտեսության և բնապահպանության վարչության մասնագետները մարտի 30-ին այցելել են լանջաղբյուր գյուղ, որտեղ հանդիպել են տեղի բնակիչներին, ֆերմերային տնտեսությունների ղեկավարներին, գյուղատնտեսությամբ հետաքրքրված և դրանով զբաղվող կազմակերպություններին և անձանց, նրանց ծանոթացրել կառավարության կողմից գյուղատնտեսության ոլորտում իրականացվող ծրագրերի իրագործման ձևերին և հնարավորություններին, տեղում ուսումնասիրել և գրառել ծագած խնդիրները, անհրաժեշտության դեպքում դրանց աջակցություն ցուցաբերելու համար:
Մարզպետարանի ներկայացուցիչները բավարար տեղեկատվություն ու խորհրդատվություն են տրամադրել պետության կողմից հողօգտագործողներին մատչելի գներով ազոտական, ֆոսֆորական եւ կալիումական պարարտանյութերի ձեռքբերման աջակցության ծրագրի մասին, հողօգտագործողներին մանրամասն ներկայացվել է նաեւ անասնաբուծության ճյուղում իրականացվող ներդրումային ծրագրերին աջակցության տրամադրման կարգը։
Լանջաղբյուրի բնակիչները խնդիր են բարձրացրել մսի իրացման, սերմացուների ձեռքբերման, պետական աջակցության վարկերից օգտվելու հնարավորությունների, գյուղոլորտին վերաբերող այլ մտահոգությունների վերաբերյալ:
Ներկայացված առաջարկները հավաքագրվել են մեկ ընդհանուր փաթեթում՝ ՀՀ Էկոնոմիկաի նախարարություն ներկայացնելու նպատակով։