Գեղարքունիքի մարզպետի աշխատակազմ

Գավառ խոշորացված համայնքի Կարմիրգյուղ բնակավայրի փողոցների առանձին հատվածների ասֆալտապատման և ջրահեռացման առուների կառուցման սուբվենցիոն ծրագրի շինարարական աշխատանքները, որոնք մեկնարկել էին 2021 թվականից, կվերսկսվեն և կավարտվեն 2022 թվականի ընթացքում։
Ծրագրի համար ՀՀ կառավարությունը հատկացրել է 57 միլիոն 432 հազար 825 դրամ, իսկ Կարմիրգյուղի համայնքապետարանը ներդրել 70 միլիոն 195 հազար 675 դրամ։
Այստեղ աշխատանքներն ավարտված են շուրջ 60 տոկոսով։ Ծրագրի իրականացման արդյունքում ասֆալտապատ կդառնան Կարմիրգյուղի Ազատության փողոցի 1-ին նրբանցքը, Գայի, Ս․ Ավետիսյան, Կ․ Դեմիրճյան, Զ․Շհոյան փողոցների առանձին հատվածներ։ Ասֆալտապատվող ճանապարհների ընդհանուր երկարությունը կկազմի 1715 գծամետր, մակերեսը՝ 10 հազար 84 քառակուսի մետր։
Վերոնշյալ փողոցներում կկառուցվեն նաև ջրահեռացման առուներ` 1830 գծամետր ընդհանուր երկարությամբ, ինչի շնորհիվ ասֆալտապատ ճանապարհները կպաշտպանվեն ջրի քայքայման ազդեցությունից, իսկ ոռոգման ջուրը տնտեսություններին կմատակարարվի առանց կորուստների։