Նորություններ
Գեղարքունիքի մարզպետարանում կայացավ ձմեռային զորակոչի առաջին նիստը
14.12.2021
Դեկտեմբերի 14-ին Գեղարքունիքի մարզպետարանում կայացավ 2021-2022 թվականների ձմեռային զորակոչի առաջին նիստը, որը վարեց Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյան:
Նիստին մասնակցում էին Գեղարքունիքի մարզի զորակոչային հանձնաժողովի անդամները:
Զորակոչային հանձնաժողովի նիստում քննարկվեցին ձմեռային զորակոչի ընթացքի, զորակոչի աշխատանքների կազմակերպմանը ներգրավված պետական մարմինների փոխգործակցությանը վերաբերող հարցեր:
Նիստի ընթացքում ուսումնասիրվեցին ՀՀ ՊՆ Զ և ԶՀԾ Գեղարքունիքի մարզային ստորաբաժանման կողմից մարզային զորակոչային հանձնաժողովին ներկայացրած որոշ զորակոչիկների անձնական փաստաթղթերը, որոնց վերաբերյալ կայացվեց համապատասխան որոշում:
Զորակոչային հանձնաժողովի կողմից քննարկված հարցերի վերաբերյալ Գեղարքունիքի մարզպետ, Գեղարքունիքի մարզի զորակոչային հանձնաժողովի նախագահ Կարեն Սարգսյանը տվեց համապատասխան հանձնարարականներ և նշեց, որ զորակոչիկների հետ կապված բուժզննման ընթացքում պետք է բացառել որևէ բացթողում, իսկ ձմեռային զորակոչի համար տրված նախնական առաջադրանքը ենթակա է պարտադիր կատարման: