Նորություններ
Գեղարքունիքի մարզի դպրոցականները «Живая классика» խորագիրը կրող պատանի ընթերցողների միջազգային փառատոնի դիպլոմակիրներ
19.03.2021
Վերջին տարիներին Հայաստանում ԿԳՄՍ նախարարության և Երևանում գիտության և մշակույթի ռուսաստանյան կենտրոնի կողմից կազմակերպվում և անցկացվում է «Живая классика» խորագիրը կրող պատանի ընթերցողների միջազգային փառատոնը, որին ամեն տարի ակտիվորեն մասնակցում են նաև Գեղարքունիքի մարզի տարբեր դպրոցների լավագույն աշակերտներ: Գեղարքունիքի մարզում այս տարվա փետրվար ամսին անցկացվել է փառատոնի մարզային փուլը, որի արդյունքում հաղթող են ճանաչվել Լիճքի թիվ 1 միջնակարգ դպրոցի 8-րդ դասարանի աշակերտ Յուրա Մովսիսյանը, թեման՝ Борис Васильев «А зори здесь тихие» և Սևանի թիվ 1 հիմնական դպրոցի 7-րդ դասարանի աշակերտուհի Տաթևիկ Մարգարյանը, թեման՝ Григорий Горин «Ежик»: Մասնակիցները ստացել են գեղարվեստական գրքեր:
Մարտի 12-ին Երևանում անցկացվել է փառատոնի հանրապետական փուլը, որին մասնակցել են նաև Գեղարքունիքի մարզից առաջին փուլում հաղթող ճանաչված շնորհալի աշակերտները: Նրանք հանդես են եկել լավագույն ձևով և ակտիվ մասնակցության համար արժանացել դիպլոմների և խրախուսական նվերների:
Փառատոնի համակարգող Սոնա Սառաջյանը հատուկ շնորհակալություն է հայտնել Գեղարքունիքի մարզպետ Գնել Սանոսյանին՝ փառատոնի աշխատանքներին և մարզի դպրոցականներին աջակցելու համար: