Նորություններ
Հանրային քննարկում Գեղարքունիքի մարզպետարանում
26.02.2021
Փետրվարի 25-ին Գեղարքունիքի մարզպետարանում տեղի ունեցավ հանրային քննարկում՝ «Գեղարքունիք-3», «Գեղարքունիք-4», «Գեղարքունիք-8» միկրոռեգիոնալ մակարդակի համակցված տարածական պլանավորման փաստաթղթերի՝ շրջակա միջավայրի վրա ազդեցության ռազմավարական գնահատման հայտի և դրա փորձաքննական գործընթացի վերաբերյալ:
Քննարկմանը ներկա էին Գեղարքունիքի մարզպետ Գնել Սանոսյանը, ՀՀ քաղաքաշինության կոմիտեի նախագահի տեղակալ Նունե Պետրոսյանը, «Ատրիում» ՍՊԸ նախագծային կազմակերպության տնօրեն Կարեն Առաքելյանը, «Շրջակա միջավայրի վրա ազդեցության փորձաքննական կենտրոն» ՊՈԱԿ-ի փորձագետները, «Հայնախագիծ» ինստիտուտի հեղինակային խմբի անդամները, Գեղարքունիքի մարզի համայնքների ղեկավարներ և մարզպետարանի քաղաքաշինության վարչության ներկայացուցիչներ:
Հանրային քննարկման արդյունքում որոշվեց, որ միկրոռեգիոնալ մակարդակի համակցված տարածական պլանավորման փաստաթղթերը մշակող կազմակերպությունների աշխատակիցները յուրաքանչյուր համայնքում կկազմակերպեն նոր քննարկումներ, առաջադրված հարցերին կտրվեն համապատասխան լուծումներ: