Գեղարքունիքի մարզպետի աշխատակազմ

Արցախյան պատերազմի ընթացքում Արցախին, առաջնագծին, ինչպես նաև Արցախից Գեղարքունիքի մարզ տեղափոխված ընտանիքներին զգալի աջակցություն է ցուցաբերել Լանջաղբյուրի համայնքապետարանը, համայնքի բնակիչները և առանձին բարերարներ:
Լանջաղբյուր համայնքի բնակիչների կողմից կատարված հանգանակությունների արդյունքում գնվել և նվիրաբերվել է «Ուազ» մակնիշի շտապօգնության 2,  «Վիլիս» մակնիշի 1 և ՆԻՎԱ մակնիշի 1 ավտոմեքենա, իսկ նույն համայնքի բնակիչներ Գառնիկ և Ֆրունզ Հակոբյանների կողմից՝ «Ուազ» մակնիշի 1 ավտոմեքենա և 1 էլեկտրական գեներատոր: Լանջաղբյոր համայնքի բնակիչներ Սերգո և Արկադյա Բազեյանների կողմից գնվել և տրամադրվել է 70 հատ անվադող, սնունդ և հագուստ:
Առաջնագծում մարտնչող Հայոց բանակի մարտիկներին օգնության կարգով տրամադրվել է նաև 500 կիլոգրամ կարտոֆիլ, խառը պահածոներ, 6 կիլոգրամ դեղորայք, 4 հատ ֆանար, 1400 զույգ ձմեռային ներքնաշոր և գուլպա, 543 հատ ձմեռային գլխարկ, հագուստ և կամուֆլյաժ, 10 հատ գազի բալոն, 20 հատ քնապարկ, 1 հատ էլեկտրաշարժիչ, 100 կիլոգրամ դեղորայք, 14 պարկ ալյուր, ծխախոտ, սննդի տարբեր տեսակներ այլ պարագաներ:
Գեղարքունիքի մարզպետարանը, ի դեմս Գեղարքունիքի մարզպետ Գնել Սանոսյանի, իր երախտագիտությունն է հայտնում Լանջաղբյուր համայնքին՝ մարդասիրական և հայրենանվեր գործունեություն ցուցաբերելու համար: