Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՀՀ Գեղարքունիքի մարզպետ Գնել Սանոսյանի շնորհավորական խոսքը՝ Բուժաշխատողի օրվա առթիվ

21.06.2020

Հարգարժան բուժաշխատողներ

Շնորհավորում եմ ձեզ՝ մասնագիտական տոնի առթիվ. Ձեր գիտելիքների, դրանք նպատակին ծառայեցնելու, հմտությունների դրսևորման և հետևողականության շնորհիվ հազարավոր մարդիկ բուժվում, ապաքինվում և նոր կյանք են ձեռք բերում, վայելելով առողջ լինելու հաճույքն ու բերկրանքը։ Ձեր ուշադրությունը, հոգատարությունն և մարդասիրական վերաբերմունքը, ձեր յուրաքանչյուր հուսադրող խոսքը ստիպում է, որպեսզի հիվանդը հավատով և լավատեսորեն լցվի իր վաղվա օրվա հանդեպ ։

Առանձնահատուկ շնորհակալություն նաև այն բուժաշխատողներին, ովքեր վերջին ամիսների ընթացքում, մոռանալով իրենց ընտանիքն ու անձնական կյանքը, լծված են համավարակի դեմ պայքարին ։

Շնորհակալություն եմ հայտնում նաև բուժոլորտի մնացած աշխատակիցներին, շտապօգնության ծառայության բոլոր վարորդներին, տեխնիկական սպասարկում իրականացնող անձանց։

Բուժաշխատողի մասնագիտական տոնի շրջանակներում ևս պետք է փաստենք, որ մեր երկրում իրականացվող քաղաքականության արդյունքում ներկայումս նոր որակ և նոր մոտեցումներ են հաղորդվում առողջապահության ոլորտի զարգացմանն ու կատարելագործմանը:

Թո՛ղ որ, համակարգի արդյունավետության բարձրացմանը միտված բարեփոխումները նորովի լիցքեր հաղորդեն նաև բուժաշխատողների գործունեությանը և նպաստեն որակյալ ու պատշաճ բուժսպասարկման ապահովմանը:

Կրկին շնորհավորելով՝ ցանկանում եմ, որ առողջապահության համակարգի բոլոր աշխատակիցների առօրյան նշանավորվի դրական զարգացումներով, ձեռքբերումներով և Ձեզ մշտապես ուղեկցեն անձնական ու աշխատանքային հաջողությունները:

ՀՀ Գեղարքունիքի մարզպետ Գնել Սանոսյան 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-28 18:08:06