Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզում կորոնավիրուսով հիվանդության դեպքեր չեն գրանցվել
02.03.2020
Գեղարքունիքի մարզում կորոնավիրուսով հիվանդության դեպքեր չեն գրանվել
Գեղարքունիքի մարզի բուժհաստատություններում 2020 թվականի մարտի երկուսի դրությամբ կորոնավիրուսով հիվանդությունների դեպքեր չեն գրանցվել: Գեղարքունիքի մարզպետարանի առողջապահության եւ սոցիալական ապահովության վարչության պետ Լուսինե Վարդանյանի տեղեկացմամբ, անցած շաբաթ եւ կիրակի օրերին խստացված ռեժիմով են աշխատել ինչպես հիվանդանոցային բուժում իրականացնող, այնպես էլ առողջության առաջնային պահպանման բուժհաստատությունները: «Անցած երկու օրերի ընթացքում մեր բուժհաստատություններում կորոնավիրուսով հիվանդության դեպքեր չեն արձանագրվել: Իրավիճակը վերահսկվում է, բուժհաստատություններն աշխատում են խստացված ռեժիմով: Առաջին հերթին պետք չէ խուճապի մատնվել, իսկ այնուհետև հարկավոր է հետեւել այն խորհուրդներին, որ համացանցի կամ ԶԼՄ-ների միջոցով տրվում են ՀՀ առողջապահության նախարարության կողմից»,-նշեց Լուսինե Վարդանյանը:
