Գեղարքունիքի մարզպետի աշխատակազմ

Գեղարքունիքի մարզպետ Գնել Սանոսյանի ղեկավարած պատվիրակության անդամները շարունակում են հանդիպումները Ֆրանսիայի Հանրապետության Իզերի մարզում, ծանոթանում համագործակցային ոլորտների գործունեությանը, մտքեր և փորձ փոխանակում :
Նոյեմբերի 7-ին Գեղարքունիքի պատվիրակության ներկայացուցիչները մասնակցել են «IRAPA» տուրիստական հարթակի հանձնախմբի ժողովին, համատեղ քննարկել տուրիզմի ոլորտում կողմերի միջև իրականացված և նախատեսվող անելիքները: Հանդիպմանը ներկա են գտնվել նաև Վիենի և Գրենոբլի քաղաքապետարանների պատասխանատու աշխատակիցներ, Սևանի քաղաքապետարանի պատվիրակության անդամներ:
Նույն օրը Գեղարքունիքի մարզի պատվիրակության անդամները հանդիպում են ունեցել ֆրանսիական «Բժշկական օգնություն և զարգացում» ասոցիացիայի անդամների հետ, որի ընթացքում կողմերն անդրադարձել են Գեղարքունիք-Իզեր ապակենտրոնացված համագործակցության շրջանակներում 2019 թվականին իրականացվող ծրագրին, խոսել 2020 թվականի ծրագրային հեռանկարների մասին:
Օրն ավարտվել է ևս մեկ հանդիպմամբ, որը կայացել է «Հայաստան. փոխանակում և աջակցություն» ասոցիացիայի ներկայացուցիչների հետ, որտեղ ամփոփվել են 2019 թվականի ընթացքում իրականացված ծրագրերը, 2020 թվականի ծրագրային հեռանկարները, խոսվել է ասոցիացիայի կողմից Իզերում հայկական մշակույթի առաջխաղացմանը նպաստող միջոցառումների մասին:
Իսկ երեկոյան նախատեսվում է միջոցառում Գրենոբլի և Դոֆինեի հայ մշակույթի տանը, Իզերում գործող և հայկական սփյուռքը ներկայացնող ասոցիացիաների մասնակցությամբ: Այդ ընթացքում կներկայացվեն նաև Իզեր - Գեղարքունիք և Սևան-Գրենոբլ համագործակցությունների տուրիստական օպերատորների կողմից իրականացվող ծրագրերը: