Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Համատեղ ուժերով փորձելու են դուրս բերել Գեղարքունքի մարզին ապագայում անհրաժեշտ մասնագիտությունները

28.10.2019

Հոկտեմբերի 28-ին Գեղարքունիքի մարզպետի տեղակալ Նարեկ Գրիգորյանն ընդունեց ՄԱԿ-ի «Ապագա հմտություններ եւ մասնագիտություններ» ծրագրի պատասխանատուներին: Հանդիպման հիմնական նպատակը ՄԱԿ-ի դրամաշնորհային ծրագրերի շրջանակներում Գեղարքունիքի մարզում իրականացվող աշխատանքների ուրվագծումն էր եւ տնտեսության զարգացման առաջնահերթ ոլորտի ընտրությունը: «Մենք համագործակցում ենք ՀՀ կրթության, գիտության, մշակույթի եւ սպորտի, ՀՀ աշխատանքի եւ սոցիալական հարցերի եւ տարածքային կառավարման եւ ենթակառուցվածքների նախարարությունների, ինչպես նաեւ մարզպետարանների հետ: Յուրաքանչյուր մարզի համար մենք պետք է ընտրենք մեկ գերակա ոլորտ, որպեսզի համատեղ ուրվագծենք 2020 թվականի աշխատանքները»,-նշեց «Ապագա հմտություններ եւ մասնագիտություններ» ծրագրի պատասխանատու Հասմիկ Սողոմոնյանը: Մարզպետի տեղակալ Նարեկ Գրիգորյանը շեշտեց, որ մարզի զարգացման համար գերակա համարվող գյուղատնտեսության, տուրիզմի ու այլընտրանքային էներգիայի արտադրության ոլորտներից բացի կարեւոր են նաեւ մի շարք այլ ոլորտներ, որտեղ հարկավոր է ներդնել կրթական ծրագրեր՝ մեր տնտեսության մեջ ապագա հմտություններ ու մասնագիտություններ ապահովելու համար: «Մենք հիմա ունենք անասնաբույժների կարիք, մինչդեռ այդ ուղղությամբ շատ քչերն եւ ուզում մասնագիտանալ: Նույնը անասնաբույծների, գյուղատնտեսների պարագայում է: Իսկ առանց մասնագետների դժվար է պատկերացնել գյուղատնտեսության զարգացումը: Նույնիսկ կարելի է գյուղատնտեսական նշանակության մասնագիտությունների հանդեպ մարդկանց մոտ սեր արթնացնել դպրոցական տարիներից: Կարեւոր ենք համարում նաեւ ՏՏ ոլորտը, որտեղ ունենք առանձնակի ձեռքբերումներ: կարծում եմ, որ մենք ապագա քննարկումների ընթացքում կգանք համատեղ եզրահանգման»,-ասաց մարզպետի տեղակալը:

 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2019-11-22 17:03:41