Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Սուբվենցիոն ծրագրով ասֆալտապատվել է Կարմիրգյուղի Սերգո Ավետիսյանի անվան փողոցի մի հատվածը
22.10.2018
Գեղարքունիքի մարզի Կարմիրգյուղ համայնքում ՀՀ կառավարության կողմից իրականացվող սուբվենցիոն ծրագրերի շրջանակներում ասֆալտապատվել է Սերգո Ավետիսյանի անունը կրող փողոցի մի հատվածը, որը համարվում է նաև գյուղի թիվ 1 միջնակարգ դպրոց տանող ճանապարհը: Ինչպես տեղեկացրին Կարմիրգյուղի գյուղապետարանից, ծրագրի արժեքը կազմում է 12 միլիոն 500.000 դրամ , որի 40 տոկոսը տրամադրվել է պետբյուջեից, իսկ մնացած 60 տոկոսը ներդրել է Կարմիրգյուղի համայնքապետարանը:
«Ասֆալտապատվել է փողոցի 450 գծամետր հատվածը: Ճանապարհը տանում է դեպի գյուղի թիվ 1 միջնակարգ դպրոց: Նախկինում այստեղով անցնելն առաջացնում էր մի շարք դժվարություններ: Հիմա արդեն ունենք բարեկարգ ու ժամանակակից ճանապարհ», -ներկայացրեց Կարմիրգյուղ համայնքի ղեկավարը:
