Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գեղարքունիքի մարզպետ Իշխան Սաղաթելյանն ընդունեց մի խումբ բուժաշխատողների
06.06.2018
Հունիսի 6-ին Գեղարքունիքի մարզպետի աշխատասենյակում մարզպետ Իշխան Սաղաթելյանին իրենց մտահոգությունները ներկայացրին Վարդենիսի հիվանդանոցի աշխատակցները:
Խնդիրը կայանում էր ՀՀ նախկին կառավարության համապատասխան որոշմամբ նշված հիվանդանոցը Վարդենիսի զինվորական հոսպիտալին միացնելուն, որին հիվանդանոցի բուժաշխատողները դեմ են և փորձում են կիրառել տարբեր մեթոդներ՝ կառույցը չվերակազմակերպելու համար:
Ըստ ներկայացվածի՝ հիվանդանոցի 92 աշխատակիցներն էլ պատրաստակամ են շարունակել աշխատանքը, բայց քանի որ հիվանդանոցը ֆինանսավորվում չի ստանում,ուստի և առաջ կգա աշխատավարձի խնդիր: Բացի այս ամենը, հիվանդանոցն ունի նեղ մասնագետների, շենքի և ծննդատան հիմնանորոգման լուրջ խնդիրներ, որոնք անհնար են դարձնում կառույցի հետագա գործունեությունը:
Մարզպետ Իշխան Սաղաթելյանը կիսեց բուժաշխատողների մտահոգությունը, սակայն տեղեկացրեց նաև, որ նոր կառավարությունը ևս դրական է համարում հիվանդանոցի վերակազմակերպման գործընթացը:
<<Ես զրույց եմ ունեցել ՀՀ կառավարության ներկայացուցիչների հետ: Վերջիններս կարևորում են այդ գործընթացը և պատրաստ են այն հասցնել ավարտին: Իմ լիազորությունների շրջանակներում կբարձրացնեմ ձեզ մտահոգող խնդիրները, ուստի առաջարկում եմ՝ բարձրացված խնդիրների շուրջ լուրջ, հիմնավորված տեղեկատվություն նախապատրաստել, մենք էլ կից գրությումբ այն կուղարկենք ՀՀ կառավարություն>> -նշեց մարզպետ Իշխան Սաղաթելյանը:
