Նորություններ
Գեղարքունիքի մարզպետը հանդիպեց մարզպետարանի ստորաբաժանումների աշխատակիցների հետ
05.06.2018
Հունիսի 4-ին Գեղարքունիքի մարզպետ Իշխան Սաղաթելյանը շրջայց կատարեց մարզպետարանի աշխատասենյակներում, որի ընթացքում զրուցեց ստորաբաժանումների ղեկավարների և աշխատակիցների հետ, ծանոթացավ վերջիններիս գործունեությանը, տվեց ցուցումներ ու հանձնարարականներ: Աշխատակիցներն էլ իրենց հերթին մարզի ղեկավարին ներկայացրին իրենց ոլորտներում առկա խնդիրներն ու անելիքները: << Բացի այս ճանաչողական այցը ես նախատեսում եմ առանձին հանդիպում բոլոր ստորաբաժանումների հետ, որտեղ ոլորտ առ ոլորտ վեր կհանենք հիմնախնդիրները և համատեղ կգտնենք հնարավոր լուծումները: Առաջիկայում շրջայց կկատարեմ բոլոր համայնքներում, տեղում կծանոթանամ խնդիրներին և հրատապ անելիքներին՝ առավել մեծ ուշադրություն սևեռելով սահմանամերձ համայնքներին: Այլ խոսքով, մեզ սպասվում է լարված ու հետևողական աշխատանք>> -նշեց մարզպետ Իշխան Սաղաթելյանը: