Նորություններ
Կարմիրգյուղում մեծարվեցին հայրենի հողի նվիրյալները
01.06.2017
Կարմիրգյուղի թիվ 2 միջնակարգ դպրոցում մայիսյան հաղթանակներին նվիրված միջոցառումներն ամփոփվեցին մայիսի 31-ին, ևս մեկ հանդիսավոր միջոցառմամբ, որի նպատակն էր՝ դպրոցում բարձրացնել ռազմահայրենասիրական դաստիարակությունը, ավագների օրինակով ապագան կերտող սերնդի մեջ սերմանել անձնուրացություն, կամքի ուժ, տոկունություն, տեսանելի և ճանաչելի դարձնել Արցախյան ազատամարտի հերոսների հայրենանվեր գործը:
Միջոցառումը կրում էր <<Հայրենի հողի նվիրյալները>> խորագիրը, որի ընթացքում մեծարվեցին Կարմիրգյուղից Արցախյան հերոսամարտի և Ապրիլյան քառօրյայի բոլոր մասնակիցները: Միջոցառմանը հրավիրված էին Գեղարքունիքի մարզպետ Կարեն Բոթոյանը, հայրենի հող ու ջրի,
զենքի և պատվի, հայրենիքի արժանավոր զավակներ: Գրական-երաժշտական, փաստավավերագրական դրվագներով հագեցած ծրագիրը մատուցվեց Կարմիրգյուղի թիվ 2 միջնակարգ դպրոցի բարձր դասարանների սաների և մանկավարժական կոլեկտիվի անդամների համատեղ ուժերով ՝ հանդիսատեսին պատճառելով հուզմունքի և ուրախության պահեր:
Միջոցառման ավարտին Գեղարքունիքի մարզպետ Կարեն Բոթոյանը հիշատակի և խոնարհումի խոսքեր հղեց հայրենի հողի պաշտպանության համար իրենց կյանքը նվիրաբերած հայորոդիների հասցեին, երախտագիտության խոսքեր՝ նրանց ընտանիքիներին: Մարզի ղեկավարը նաև շնորհակալություն հայտնեց Արցախի պաշտպանության գործում ակտիվ մասնակցություն ցուցաբերած ազատամարտիկներին, որոնց ջանքերի ու մարտունակ ոգու շնորհիվ այսօր մեր երկրի սահմաններն ամուր են: Կարեն Բոթոյանը ներկաներից չթաքցրեց նաև իր գոհունակությունը՝ դպրոցի կողմից նման հայրենաշունչ և ուսուցողական նշանակության ծրագիր ներկայացնելու համար:
<<Հայրենի հողի նվիրյալները>> միջոցառման հանդիսավոր մասին հաջորդեց գրական-երաժշտական ցերեկույթը, որին ակտիվ մասնակցություն ցուցաբերեցին դպրոցի շնորհաշատ սաները: