Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Առողջապահական <<Բաց դռների օր>>՝ Վարդենիկում
18.10.2016
Գեղարքունիքի մարզպետ Ռաֆիկ Գրիգորյանի նախաձեռնությամբ առողջապահական <<Բաց դռների օր>> անցկացվեց Մարտունու տարածաշրջանի Վարդենիկ համայնքի բնակիչների համար: <<Բաց դռների օրն>> անցավ Մարտունի բժշկական կենտրոնի մասնագետների կողմից, Վարդենիկի առողջության կենտրոնում: Բուժզննում անցան առողջական տարբեր խնդիրներով դիմած 41 քաղաքացի , ովքեր տեղում ստացան անհրաժեշտ մասնագիտական խորհրդատվություն: Հիվանդների մի մասն ուղեգրվեց Մարտունու բժշկական կենտրոն՝ հետագա զննման կամ բուժումը շարունակելու համար: <<Բաց դռների օր>> միջոցառումն անցկացրին Մարտունու բժշկական կենտրոնի էնդոկրինոլոգը, կարդիոլոգը, վիրաբույժը, գինեկոլոգը, անոթային վիրաբույժը, ուռոլոգը, ակնաբույժը, նեվրապաթոլոգը: Բուժզննում անցան նաեւ զինվորական հաշմանդամություն ունեցողները, ովքեր տեղում ստացան անհրաժեշտ դեղորայք: Ինչպես հավաստեց Գեղարքունիքի մարզպետարանի աշխատակազմի առողջապական եւ սոցիալական ապահովության վարչության պետ Անուշ Պողոսյանը, մինչեւ տարեվերջ առողջապահական <<Բաց դռների օրեր>> կանցկացվեն Մարտունու տարածաշրջանի բոլոր համայնքներում:
