Նորություններ
Բաց դռների օր՝ Գավառի ԲԿ-ում
08.10.2016
Գեղարքունիքի մարզպետ Ռաֆիկ Գրիգորյանի նախաձեռնությամբ իրականացվող առողջապահական <<Բաց դռների օրեր>> հերթական միջոցառումն անցկացվեց Գավառի ԲԿ-ում: Մինչև այս, Գավառի տարածաշրջանի բոլոր համայնքների բուժամբուլատորիաներում անցկացված միջոցառումների ընթացքում ի հայտ են եկել առողջական խնդիրներ ունեցող քաղաքացիներ, որոնց հետազոտությունների մի մասը ուղղակի տեղում կազմակերպելն անհնար է եղել համապատասխան բուժսարքավորումների բացակայության պատճառով: Այդ կարիքից դրդված, հոկտեմբերի 8-ին, միջոցառումն անցկացվեց Գավառում: Բուժզննություն անցնելու և առողջական խնդիրները վաղ փուլում հայտնաբերելու նպատակով կազմակերպված միջոցառման մասին մարդիկ տեղեկացել էին տեղական հեռուսաընկերություններով հեռարձակված հայտարարությունների միջոցով: Գավառի ԲԿ-ում ,,Բաց դռներին,, տարբեր մասնագետների մոտ հետազոտվել են 62 քաղաքացիներ՝ Գավառից և շրջակա համայնքներից: Մարզի 3600 քաղաքացիներ անցյալ տարի անցել են տեսողության բուժզննում: Նրանցից 255-ը անվճար վիրահատվել է, իսկ ավելի քան 2500-ը ստացել է օպտիկական ակնոցներ: Ծրագիրը շարունակական է 2016, 2017 թվականների համար: Այս անգամ Մարտունու հիվանդանոցից հրավիրված ակնաբույժը աչքի խնդիրներով մտահոգվածներին զննել է և հենց տեղում 16 քաղաքացու ըստ կարիքի անվճար տրամադրել համապատասխան ակնոցներ: Նշենք նաև, որ <<Բաց դռների օրեր>>-ը, ըստ ժամանակացույցի, առաջիկա շաբաթվանից շարունակվելու է իրականացվել Մարտունու տարածաշրջանի համայնքներում: Մարզպետարանի աշխատակազմի ԱՍԱ վարչության պետ Անուշ Պողոսյանի խոսքերով, միջոցառման 2-րդ փուլը կավարտվի դեկտեմբերին: Արդյունքները կամփոփվեն և կպլանավորվեն մարզում ՝ առողջապահության ոլորտի հաջորդ տարվա անելիքները: