Նորություններ
Գեղարքունիքի մարզպետն աշխատակազմին ներկայացրեց մարզպետի նորանշանակ տեղակալին
01.04.2016
Հիմք ընդունելով Հայաստանի Հանրապետության Նախագահի 1997 թվականի մայիսի 6-ի ՆՀ-728 հրամանագրի 1.7-րդ կետը՝ ՀՀ վարչապետի 2016թվականի մարտի 31-ի N 226 - Ա որոշմամբ` Արտաշես Նիկոյանը նշանակվել է Հայաստանի Հանրապետության Գեղարքունիքի մարզպետի տեղակալ։
Ապրիլի 1-ին ՀՀ Գեղարքունիքի մարզպետ Ռաֆիկ Գրիգորյանը մարզպետարանի աշխատակազմին ներկայացրեց Գեղարքունիքի մարզպետի նորանշանակ տեղակալ Արտաշես Նիկոյանին: Ռաֆիկ Գրիգորյանը շնորհավորեց փոխմարզպետին, մաղթելով նրան հաջողություն և բեղմնավոր աշխատանք, և հույս հայտնեց, որ նորանշանակ տեղակալի աշխատանքային փորձը արդյունավետ կլինի մարզում աշխատանքները թիմային սկզբունքով իրականացնելու համար: Արտաշես Նիկոյանը շնորհակալություն հայտնեց ՀՀ վարչապետին և Գեղարքունիքի մարզպետին նշանակման համար և խոստացավ ջանադիր աշխատանքով արդարացնել իր հանդեպ ցուցաբերած վստահությունը: