Գեղարքունիքի մարզպետի աշխատակազմ

Գեղարքունիքի մարզի հիվանդանոցներում փետրվարի 26-ի դրությամբ ստացիոնար բուժում են ստանում սուր շնչառական հիվանդություններ ունեցող 16 հիվանդ, որոնցից 6-ի մոտ ախտորոշված է թոքաբորբ: Գեղարքունիքի մարզպետարանի աշխատակազմի առողջապահության եւ սոցիալական ապահովության վարչության պետ Անուշ Պողոսյանի տեղեկացմամբ` այս տարվա փետրվարի առաջին շաբաթվա համեմատ մարզի հիվանդանոցներում սուր շնչառական հիվանդությամբ բուժվող ստացիոնար հիվանդների թիվը փետրվարի վերջին շաբաթում կրկնակի նվազել է: Կրկնակի անգամ նվազել է նաեւ առողջության առաջնային պահպանման օղակում սուր շնչառական հիվանդություն ունեցողների դիմելիության քանակը: ,,Հունվարի ընթացքում եւ փետրվարի առաջին շաբաթում սուր շնչառական հիվանդություններից գանգատվողների, բուժում ստացողների քանակը հասցվել է նվազագույնի: Նույն արդյունավետությամբ բարձրացել է հանրակրթական դպրոցների աշակերտների հաճախելիությունը: Մարզի նախադպրոցական հաստատությունները վերաբացվելու են մարտի 1-ից: Իրավիճակի վերահսկողությունը մեր կողմից շարունակվելու բոլոր բուժհաստատություններում, դպրոցներում և նախադպրոցական հաստատություններում: Այս պահի դրությամբ սուր շնչառական հիվանդություններից բուժվող հղիներ չունենք: Պետք է արժանին մատուցել թե առողջության առաջնային պահպանման, թե հիվանդանոցային ծառայություններ մատուցող կառույցներին ու բժիշկներին, որոնց ջանքերի շնորհիվ կարողացանք ստեղծված իրավիճակից դուրս գալ,, - հավաստեց վարչության պետը: