Նորություններ
Անտառատունկ` ցեղասպանության 100-ամյա տարելիցի առթիվ
27.04.2015
,,Սեւան,, Ազգային պարկ,,-ի Մարտունու մասնաճյուղում ավարտվեց 6 հեկտար անտառատունկը, որի շրջանակներում հիմնվեց Հայոց ցեղասպանության զոհերի մեկդարյա հիշատակը հավերժացնող 1 հեկտար պուրակ: Ըստ մասնաճյուղի տնօրեն Համլետ Ղիմոյանի, անտառատունկը եւ պուրակի հիմնումը կատարվել են Երանոս գյուղի հարակից տարածքի լճափնյա անտառային հողերում: Տնկվել են 1,5-ից մինչեւ 2,5 մետր բարձրության 10 հազար երկու տարեկան կանադական սլացիկ բարդիներ: Տունկը սկսվել է ապրիլի առաջին օրերից եւ ավարտվել ապրիլի 27-ին: ,,Աշխատանքները նախատեսված էր ավարտել մինչեւ ապրիլի 24-ը, սակայն եղանակային անբարենպաստ պայմանները փոքր-ինչ ձգձգեցին ծառատունկը:Տունկից հետո շարունակվելու են ծառերի հետագա խնամքի աշխատանքները: Ծառերի հետագա խնամքն ու պահպանությունը մեզ առավել է պարտավորեցնում, քանի որ յուրչաքանչյուր տնկվող նոր ծառ խորհրդանշում է Հայոց ցեղասպանության զոհերի հիշատակը,,,-նշեց տնօրենը: