Գեղարքունիքի մարզպետի աշխատակազմ

Գեղարքունիքի մարզի Ձորագյուղ գյուղում ավարտվեց շախմատի տղամարդկանց համայնքային առաջնությունը, որը նվիրված էր Հայոց ցեղասպանության զոհերի մեկդարյա տարելիցի հիշատակին եւ Հայրենական մեծ պատերազմում տարած հաղթանակի 70-րդ տարեդարձին: Ձորագյուղի գյուղապետ Լեւիկ Գրիգորյանի տեղեկացմամբ նախապես մասնակցության հայտ էին ներկայացրել 25-ից մինչեւ 70 տարեկան 16 խաղացող: Յուրաքանչյուրն անցկացրել է 15 հանդիպում: Մոտ մեկ ամիս տեւած առաջնությունում առաջին տեղը գրավել է 35-ամյա Սարմեն Սահակյանը, երկրորդ տեղը՝ 30-ամյա Մանֆրեդ Դավթյանը եւ երրորդ տեղը՝ 50-ամյա Հենզել Շառոյանը: Ձորագյուղ համայնքի ավագանու որոշմամբ առաջին մրցանակակրին շնորհվել է 35 հազար դրամ, երկրորդ մրցանակակրին՝ 25 հազար, երրորդին՝ 15 հազար դրամ: Նրանք արժանացել են նաեւ Ձորագյուղի համայնքի ղեկավարի պատվոգրին: ,, Այս տարվա ընթացքում ծրագրել ենք վերը նշված պատմական իրադարձություններին նվիրված միջոցառումների շրջանակներում մրցաշարեր կազմակերպել նաեւ մի քանի այլ մարզաձեւերից,,-հավաստեց համայնքի ղեկավարը: