Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ԽՈՐՀՐԴԿՑՈՒԹՅՈՒՆ ԲՈՒԺՀԱՍՏԱՏՈՒԹՅՈՒՆՆԵՐԻ ՏՆՕՐԵՆՆԵՐԻ ՄԱՍՆԱԿՑՈՒԹՅՈՒՄԲ
17.03.2015
Գեղարքունիքի մարզպետ Ռաֆիկ Գրիգորյանի մոտ հրավիրված խորհրդակցությունը քննության առավ մարզի բուժամբուլատորիաների վերակազմավորման հետ կապված խնդիրները: Մարզպետը հանձնարարեց մարզի առողջության առաջնային պահպանման բուժհաստատությունների տնօրեններին՝ մինչեւ մարտի 20-ը մարզպետի հաստատմանը ներկայացնել պետական ոչ առեւտրային կազմակերպությունների վերակազմավորված բուժհաստատությունների կանոնադրությունները: ,,ՀՀ կառավարության համապատասխան որոշումը, համաձայն որի առողջության առաջնային պահպանման սպասարկում իրականացնող բուժհաստատությունները փակ բաժնետիրական ընկերություններից վերակազմավորվելու են պետական ոչ առեւտրային կազմակերպությունների, պետք է իրականացվի սեղմ ու հստակ ժամկետներում: Դուք պետք է ակտիվ համագործակցեք պատկան մարմինների հետ եւ որեւէ օղակում խոչընդոտների առաջացման դեպքում մարզպետարանը պատրաստ է աջակցել ձեզ ,,- նշեց մարզի ղեկավարը: Ռաֆիկ Գրիգորյանը առողջապահական հաստատությունների տնօրենների հետ խոսեց նաեւ դեղորայքի ձեռքբերման եւ բաշխման, բուժսպասարկման որակի բարձրացման, աշխատանքային և կատարողական կարգապահության, գնումների ընթացակարգի հետ կապված խնդիրների մասին:
