Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ԲԱՆԱԿԸ ՄԵՐ ՏՈՒՆՆ Է, ՄԵՐ ԱՄՐՈՑԸ
16.03.2015
Գավառի N5 հիմնական դպրոցում մանկավարժական կոլեկտիվի մասնակցությամբ տնօրեն Սաթիկ Արզաքանյանը անցկացրեց սեմինար ,,Բանակը մեր տունն է, մեր ամրոցը,, թեմայի շրջանակներում: Այն բխում էր ՀՀ պաշտպանության նախարար Սեյրան Օհանյանի` 2015 թվականի տարեմուտի ուղերձից և ,,Հայրենիքի պաշտպանի ազգային-գաղափարական դաստիարակության ուղեցույց ձեռնարկից,,: Սեմինարի մասնակիցների խոսքով այս հանդիպումը հնարավորություն տվեց անկեղծ զրուցելու, համատեղ կարծիքներ ձևավորելու, բոլորի անելիքները միասնական դարձնելու, ընդհանուր գաղափարների շուրջ համախմբվելու և սատարելու Պաշտպանության նախարարության կողմից որդեգրած հիմնական գաղափարին` պայքար հայտարարել «փողոց»-ի, փողոցային արատավոր բարքերի դեմ: Այս տեսակետից շատ կարևոր են երեք օղակների դերը` դպրոցների, ուսումնական հաստատությունների, ինչպես նաև բոլոր ծնողների: Տնօրեն Արզաքանյանը նմանատիպ սեմինար է պլանավորել անցկացնել նաև դպրոցի ծնողական խորհրդի և ակտիվ ծնողների մասնակցությամբ: Սեմինարի ավարտին դպրոցի տնօրենի կողմից եղավ հանձնարարական ստացված նյութերի հիման վրա դասարաններում անցկացնել դասղեկական ժամեր:
