Գեղարքունիքի մարզպետի աշխատակազմ

Մարտի 6-ին Գեղարքունիքի մարզի Լճաշեն գյուղի Աշոտ Տեր-Գրիգորյանի անվան միջնակարգ դպրոցի 11-րդ դասարանում տեղի ունեցավ <<…Տիեզերքի մեջ ինձ նման թիթեռ չկա…>> խորագրով դաս-ցուցահանդես՝ նվիրված գեղանկարչության մեծ ռահվիրա Փանոս Թերլեմեզյանի ծննդյան 150-ամյակին: Ցուցահանդեսի ընթացքում դպրոցի կերպարվեստի ուսուցչուհի Անահիտ Գյուրջյանը խոսեց Թերլեմեզյանի կյանքի ու գործունեության մասին, նշելով , որ Թերլեմեզյանը Հայաստանում և նրա սահմաններից դուրս լայն ճանաչում գտած և մեծ ժողովրդականություն վայելող նկարիչ է, սիրված ու գնահատված , որպես անձնվեր հայրենասեր, որպես մարդասեր և մեծարժան մարդ-քաղաքացի: Հայաստանի կառավարության կողմից, որպես արժանահատույց գնահատական, նրան շնորհվել է <<ժողովրդական նկարիչ>>պատվավոր կոչում, ավելացրեց նա: Ցուցահանդեսի մասնակիցները դիտեցին Թերլեմեզյանի հեղինակած ,,Սևանա կղզին,,, ,,Բիբլիական Արարատը,, ,,,Ապաշխարողը,,, ,,Կոմիտասը,, , ,, Լոռեցի հովիվը,, և այլ ցուցանմուշներ, հնարավորություն ունեցան ծանոթանալու այդ աշխատանքների պատմությանը, որոնք, ըստ բանախոսի, թափանցված են դեպի կյանքն ունեցած լավատեսական տրամադրությամբ,դեպի մարդկության լուսավոր ապագան ունեցած հավատով, որը հուսատու փարոս է եղել նրա համար ՝ հաղթահարելու իր ճանապարհին հանդիպած բազում դժվարություններ, հավելեց ուսուցչուհին: Ըստ մասնակիցների և դպրոցականների դասը` նվիրված անվանի գեղանկարչին, ուսանելի էր ու բովանդակալից: