Գեղարքունիքի մարզպետի աշխատակազմ

Գեղարքունիքի մարզպետ Ռաֆիկ Գրիգորյանի մոտ կայացած խորհրդակցությունն  անդրադարձավ  վերջերս Գեղարքունիքի մարզպետարանի առողջապահության եւ սոցիալական ապահովության վարչության կողմից մարզի մի շարք առողջապահական հաստատություններում անցկացված ուսումնասիրությունների արդյունքներին:  Ուսումնասիրությունների ընթացքում, որն անցկացվել է Մարտունու եւ Վարդենիսի տարածքների առողջապահական հաստատություններում՝ բացառությամբ Ծովակի բուժամբուլատորիայի, արձանագրվել են մի շարք թերացումներ եւ բացթողումներ՝ կապված դեղորայքի բաշխման, սանիտարահիգիենիկ վիճակի, կատարողական կարգապահության, այլ խնդիրների հետ:

Գեղարքունիքի մարզպետը հանձնարարարեց  առողջպահական հաստատությունների տնօրեններին՝ մեկամսյա ժամկետում վերացնել բոլոր արձանագրված թերությունները եւ բացթողումները :ՙՈւսումնասիրությունները կրելու են շարունակական բնույթ մարզի առողջապահական բոլոր հաստատություններում, նաեւ այն տեղերում, որտեղ արդեն դրանք անցկացվել են նախորդ տարում:Պետք է ամեն ինչ անել բարեխղճորեն, օրենքի շրջանակներում, առանց թերացումների: Բնակչության բուժսպասարկումը բարելավելու համար պետք է ձգտել ավելիին, բարձրացնել աշխատանքի արդյունավետությունը՚,-հրահանգեց  Գեղարքունիքի մարզպետը: