Գեղարքունիքի մարզպետի աշխատակազմ

  ՀՀ կառավարությունը հաստատել է սոցիալական աջակցություն ստացող սահմանամերձ 32 համայնքների ցանկը, որում  Գեղարքունիքի մարզից ընդգրկված են Ճամբարակ եւ Վահան համայնքները: Ծրագիրը գործելու է 2015 թվականի հունվարի 1-ից մինչեւ դեկտեմբերի 31-ը: Ծրագրի շրջանակներում աջակցություն ստացող համայնքների բնական գազ եւ էլեկտրաէներգիա սպառող բնակիչ-բաժանորդների սպառած գազի եւ էլեկտրաէներգիայի վարձավճարի որոշակի մասը փախհատուցելու է կառավարությունը: Այս համայնքների բնակիչներն ամբողջովին ազատված են նաեւ հողի եւ անշարժ գույքի հարկերից:Ինչպես տեղեկացրին Ճամբարակի քաղաքապետ Յուրա Ավալյանը եւ Վահանի գյուղապետ Գուրգեն Բալյանը, նշված համայնքների բնակիչներն արդեն իրազեկված են ՀՀ կառավարության կողմից ներդրված ՙՍահմանամերձ համայնքների աջակցության՚ ծրագրի մասին:ՙԳազպրոմ Արմենիա՚ ՓԲԸ-ն 2015 թվականի  հունվարի 1-ից մինչեւ դեկտեմբերի 31-ն ընկած ժամանակահատվածում արդեն առաջարկվել է աջակցություն ստացող համայնքների բնական գազ սպառող բնակիչ-բաժանորդներից՝ մինչեւ 360 խորանարդ մետր բնական գազի քանակության վճարումը գանձել հաստատված սակագնից նվազեցված գնով՝ 50 տոկոսի չափով: Ըստ քաղաքապետ Յուրա Ավալյանի՝ Ճամբարակ համայնքի 1310 բնակիչ-բաժանորդները տարեկան միջին հաշվով սպառում են 600.000 խմ. բնական գազ, որը կազմում է շուրջ 94 միլին դրամ:  Նախնական հաշվարկներով այս գումարի մի մասը՝ շուրջ 47 մլն դրամ , 2015 թվականի ընթացքում կփոխհատուցի պետությունը:   2015 թվականի  ընթացքում էլեկտրաէներգիա սպառող բնակիչ-բաժանորդներից մինչեւ 1440 կՎտ էլեկտրաէներգիայի համար վճարումը գանձվելու է հաստատված սակագնից նվազեցված գնով՝ 50 տոկոսի չափով: Ճամբարակ համայնքի  1720  բաժանորդները   տարեկան միջին հաշվով սպառում են 4 միլիոն 130 կՎտ էլեկտրաէներգիա, ինչը կազմում է շուրջ 173 միլիոն դրամ: Ծրագրի շրջանակներում  պետությունը կփոխհատուցի  շուրջ 53 միլիոն դրամը: