Գեղարքունիքի մարզպետի աշխատակազմ

Հայոց բանակի զինվորներին Ամանորի և Սուրբ ծննդյան տոների կապակցությամբ շնորհավորելու նպատակով դեկտեմբերի 27-ին Ճամբարակի զորամաս այցելեցին Սփյուռքի նախարար Հրանուշ Հակոբյանը և Գեղարքունիքի մարզպետ Ռաֆիկ Գրիգորյանը: Զորամասում հյուրերը հանդիպում ունեցան գնդի զինվորների հետ, տարեմուտի առթիվ ողջույնի ու շնորհավորանքի խոսքեր հղեցին նրանց, հույս հայտնելով, որ հայոց երկրի սահմաններն այսուհետ ևս նրանց շնորհիվ կմնան ամուր ու անառիկ: Անցնելով շարքերի միջով նախարարը  և մարզպետը անմիջական զրույց ունեցան զինծառայողների հետ: Վերջիններիս շարքերում քիչ չէին նաև սփյուռքից ծառայության անցած երիտասարդները, ովքեր հայրենիքի  հանդեպ ունեցած պատասխանատվության մղումով կատարում են իրենց հայրենասիրական պարտքը: Նախարարը և մարզպետը շրջեցին զորանոցում, ծանոթացան զինվորների կացարանային պայմաններին, այնուհետև ծաղիկներ դրեցին Վահան գյուղի պաշտպանական դիրքերում զոհված 16 ազատամարտիկների շիրիմներին: Նախատոնական այցը շարունակվեց Վահան գյուղի սահմանապահ ուղեկալում: Հավելենք նաև, որ Գեղարքունիքի մարզի ղեկավարությունը տարեմուտի առթիվ նվերներ է հատկացրել մարզի տարածքում տեղակայված բոլոր զորամասերին: