Գեղարքունիքի մարզպետի աշխատակազմ

Գեղարքունիքի մարզի Ակունք գյուղում շարունակվում են երեկ երեկոյան գայլերի կողմից ցրիվ տրված եւ մասամբ հոշոտված ոչխարների որոնման աշխատանքները: Ինչպես տեղեկացրին Ակունք գյուղի գյուղապետ Արծրուն Ղարիբյանը եւ տուժած անասնատերերը, գայլերը սեպտեմբերի 13-ի ցերեկը 400 գլուխ ոչխարի հոտից ցրիվ են տվել 150 գլուխ: Սեպտեմբերի 14-ի եւ 15 –ի ցերեկվա ընթացքում կատարված տեւական որոնումներից հետո հաջողվել է անվնաս գտնել եւ գյուղ բերել 90 գլուխ ոչխար: Գյուղ է տեղափոխվել նաեւ 20 գլուխ վիրավոր եւ 20 գլուխ անկած ոչխար: Մնացած 20 գլխի որոնումները շարունակվում են: Համայնքի անասնաբույժ Միշա Մկրտչյանի տեղեկացմամբ՝ ոչխարների վիրավոր գլխաքանակի հնարավոր առողջացման համար ձռք են առնվել համապատասխան միջոցառումներ, իսկ անկած գլխաքանակի մսեղիքն ամբողջությամբ ենթակա է ոչնչացման: Ակունքի անասնապահական տնտեսություններին պատճառված վնասների չափերը ճշտվում են: