Գեղարքունիքի մարզպետի աշխատակազմ

Սեպտեմբերի 9-ին Գեղարքունիքի մարզպետարանում մարզպետ Ռաֆիկ Գրիգորյանը կատարեց քաղաքացիների ընդունելություն: Մարզպետն ընդունեց տարբեր խնդիրներով իրեն դիմած 41 քաղաքացու: Ներկայացված դիմումներն առնչվում էին աշխատանքի տեղավորման խնդրի, դրամական օգնություն ցուցաբերելու, առողջարանային կամ պետպատվերով բուժման ուղեգիր ստանալու, ուսման վարձ վճարելու հետ կապված խնդիրներին: Քաղաքացիների հիմնական մասի դիմում- խնդրանքները բավարարվեց տեղում, իսկ լրացուցիչ ուսումնասիրություն պահանջող մի քանի դիմումներ հաշվառվեցին մարզպետարանի աշխատակազմում եւ կպատասխանվեն օրենքով սահմանված ժամկետում:
Մարզպետ Ռաֆիկ Գրիգորյանն առանձնահատուկ ուշադրություն եւ վերաբերմունք ցուցաբերեց Ծովինար գյուղում բնակվող Սարգսյանների 13 հոգանոց ընտանիքին` հատկացնելով դրամական օգնություն՝ երեխաներին հագուստ, գրենական պիտույքներ գնելու եւ դպրոց ուղարկելու համար: