Գեղարքունիքի մարզպետի աշխատակազմ

Սեպտեմբերի 4-ին ժամը 15.30–ի սահմաններում Գեղարքունիքի մարզի Ճամբարակ քաղաքում եւ հարեւանությամբ գտնվող Վահան գյուղում մոտ կես ժամ տեւողությամբ հավի ձվի մեծության կարկուտ է տեղացել` զգալի վնասներ պատճառելով բնակչությանը: Կարկուտը ջարդել կամ վնասել է դրսում կայանված մարդատար ավտոմեքենաների ապակիները եւ մետաղական թափքերը,ծակել տանիքների ազբոշիֆերյա ծածկերը,  ջարդել Ճամբարակի մանկապարտեզի եւ որոշ առանձնատների ապակիները, ծառերից ցած թափել պտուղները: Կարկուտի տարափից սատկել են ընտանի կենդանիներ և  թռչուններ, մարմնական վնասվածքներ են ստացել դրսում գտնվող քաղաքացիներ: Տարեց ճամբարակցիների փաստում են, որ իրենք նման մեծության կարկուտ դեռևս չէին տեսել: Կարկուտի հարվածներից դաշտում ուշագնաց է եղել վաթսունամյա Պայծառ Աբրահամյանը, ով հարևանների օգնությամբ է ուշքի եկել: Գրեթե նույն կարգի վնասներ էին արձանագրվել նաեւ սահմանամերձ Վահան գյուղում: Նույն օրը Գեղարքունիքի մարզպետ Ռաֆիկ Գրիգորյան հանձնարարությամբ աղետի պատճառած վնասներին տեղում ծանոթացավ Գեղարքունիքի մարզպետարանի կողմից ստեղծված աշխատանքային խումբը: Քաղաքացիներին հասցված վնասների չափերը ճշգրտվում են: