Գեղարքունիքի մարզպետի աշխատակազմ

 Մայիսյան եռատոներին ընդառաջ անցկացվեց Գեղարքունիքի մարզի դպրոցականների սպորտլանդիայի եզրաձակիչ՝ մարզային փուլը, որտեղ  առաջին տեղը գրավեց եւ Գեղարքունիքի մարզպետի գավաթին արժանացավ Գավառի թիվ 2 միջնակարգ դպրոցի թիմը: Գեղարքունիքի մարզպետարանի կրթության, մշակույթի եւ սպորտի վարչության տվյալներով  սպորտլանդիայի մարզային եզրափակիչ փուլին մասնակցում էին Գավառի թիվ 1 հիմնական եւ թիվ 2 միջնակարգ, Սարուխանի թիվ 1 միջնակարգ, Սեւանի թիվ 1, Վարդենիկի թիվ 2, Մարտունի քաղաքի թիվ 2 հիմնական, Ճամբարակի ավագ եւ Շատվանի  միջնակարգ դպրոցների 5-6-րդ դասարանների աշակերտներից ձևավորված  թիմերը: Յուրաքանչյուր թիմ մրցումներին մասնակցում էր 10 հոգով` 5 տղա եւ 5 աղջիկ: Նրանք իրենց ուժերը չափեցին 6 մարզախաղերում: Մարզային փուլին  նախորդել էր սպորտլանդիայի տարածքային փուլը: Ապրիլի 15-20-ին տեղի ունեցած տարածքային փուլին   մասնակցել էին 88 դպրոցների թիմեր, որոնցից միայն ութն էին եզրափակիչ փուլի մասնակցության իրավունք նվաճել: Մարզային  փուլում երկրորդ տեղը  նվաճեց Սեւանի թիվ 1,  երրորդ տեղը` Գավառի թիվ 1 հիմնական դպրոցների թիմերը,որոնք արժանացան   մեդալների եւ հավաստագրերի:  Եզրափակիչ փուլին ներկա էր նաեւ ՀՀ սպորտի եւ երիտասարդության հարցերի նախարարության ներկայացուցիչը, ով  հաղթող 3 թիմերին պարգևատրեց   ՀՀ սպորտի եւ երիտասարդության հարցերի նախարարության շնորհակալագրերով: