Գեղարքունիքի մարզպետի աշխատակազմ

Հարգելի հայրենակիցներ:

Անցած դարի ընթացքում Մայիսի 9-ը երկու անգամ հայ ժողովրդի կյանքում հռչակվեց որպես Հաղթանակի օր: Պատմական այդ երկու անգնահատելի հաղթանակները հայ ժողովուրդը գերմանաֆաշիստական հորդաների եւ ադրբեջանական մինչեւ ատամները զինված բանակային կազմավորումների դեմ կռեց հարյուր հազարավոր հերոս հայորդիների կյանքի ու արյան գնով` ապահովելով մեր սրբազան հողի համար տեւական խաղաղություն եւ ազատ ու ստեղծագործ Հայաստան կերտելու հնարավորություն: Մեր հերոս հայրերն ու եղբայրները թե’ Հայրենական մեծ պատերազմի ռազմադաշտերում, թե’ Արցախյան գոյամարտում ցուցաբերեցին արիության ու անձնազոհության փայլուն օրինակներ` հաղթականորեն դուրս գալով մեզ պարտադված ծանրագույն ու արյունալի պատերազմներից:Իսկ այժմ հայ սերունդների խնդիրն է` ոգեշնչվել այդ հաղթանակներով, սրբորեն պաշտպանել եւ անդադրում կառուցել Հայոց հայրենիքը:

Մայիսյան հաղթանակների տոնի կապակցությամբ շնորհավորում եմ Հայաստանի, Արցախի եւ Սփյուռքի հայությանը, ցանկանում խաղաղ ու երջանիկ ժամանակներ, քաջառողջություն, հաջողություններ ու ձեռքբերումներ ընտանիքում եւ անձնական կյանքում, նորանոր նվաճումներ` հայրենաշինության եւ հայրենիքի պաշտպանության վեհ գործերում:

Ջերմ բարեմաղթանքներով`

Գեղարքունիքի մարզպետ Ռաֆիկ Գրիգորյան