Գեղարքունիքի մարզպետի աշխատակազմ

Հունվարի 31-ին Գեղարքունիքի մարզպետարանում տեղի ունեցավ  խորհրդակցություն՝ մարզային ենթակայության   հանրակրթական հաստատությունների տնօրենների մասնակցությամբ: Այն անցկացրեց Գեղարքունիքի մարզպետ Ռաֆիկ Գրիգորյանը: Մարզպետարանի աշխատակազմի ֆինանսական և սոցիալ-տնտեսական զարգացման վարչության պետի ժամանակավոր պաշտոնակատար Յուրա Մուշեղյանը վերլուծեց    մարզի հանրակրթական հաստատությունների  նախորդ տարվա ֆինանսական գործունեությունը և   ծանոթացրեց  նույն  հաստատություններում      2014 թվականին տեղի ունեցող ֆինանսական փոփոխություններին:      Ըստ նոր բանաձևի ֆինանսական  հաշվարկները կատարելիս հիմք է ընդունվել պետական  հաստատության պահպանման ծախսերի նվազագույն գումարը,  կիրառվել են գործակիցներ հանրակրթական դպրոցի տարրական, միջին և ավագ մակարդակների համար, կիրառվել են լրացուցիչ գործակիցներ, նկատի ունենալով  բարձր լեռնային, լեռնային բնակավայրերը  նաև աշակերտների թվաքանակը:  Զեկուցողը  հրապարակեց  Գեղարքունիքի մարզպետի այն հանձնարարությունը, համաձայն որի դպրոցներում ծախսերը կազմակերպել արդյունավետ, ուշադրություն դարձնելով     պահպանման ծախսերի վրա և առաջարկվեց ներկայացնել հաշվետվություն: 
Ամփոփելով 2013 թվականին հանրակրթության ոլորտում իրականացված աշխատանքները, մարզպետարանի աշխատակազմի կրթության, մշակույթի և սպորտի վարչության պետ Գարիկ Բադալյանը առանձնահատուկ   անդրադարձ կատարեց  դպրոցների    կոմպլեկտավորման և աշակերտների շարժի, թափուր աշխատատեղերի համալրման նպատակով    մրցույթների  անցկացման, մանկավարժական և ուսումնաօժանդակ հաստիքային միավորների վերանայման, հաշվապահական, գործավարության կազմակերպման, դասագրքերի վարձավճարների ամբողջական  հավաքագրման ընթացքում տնօրենների կողմից թույլ տրված բացթողումներին:
 Խոսելով մարզի հանրակրթական հաստատություններում  նախորդ տարվա ընթացքում  կատարված  աշխատանքների մասին, Գեղարքունիքի մարզպետը նշեց, որ  չնայած մարզի  զգալի թվով դպրոցներում առաջընթաց է գրանցվել, սակայն մի քանի դպրոցներ   աշխատանքներն     իրականացնում են   որոշակի բացթողումներով և հորդորեց   տարվա ընթացքում ամբողջովին շտկել   առկա   թերությունները: Ռաֆիկ Գրիգորյանը տնօրենների  հետ միասին քննարկեց նաև ուսումնադաստիարակչական բնույթի մի շարք հարցեր:
  Հաշվի առնելով Գեղարքունիքի մարզից դիմորդների նկատելի    շարժ  դեպի   ՀՀ Ագրարային պետական համալսարան, հանդիպմանը հրավիրված  էին նաև նշված  ԲՈՒՀ-ի ներկայացուցիչները, որոնց հնարավորություն տրվեց  ներկայացնել  իրենց  ԲՈՒՀ-ի կողմից դիմորդների համար սահմանված արտոնությունները:
 Գեղարքունիքի մարզպետ Ռաֆիկ Գրիգորյանի հանձնարարությամբ հանդիպման ավարտից անմիջապես հետո դպրոցների տնօրենների հետ աշխատանքային խորհրդակցություն անցկացրեցին մարզպետի տեղակալ՝ Անդրանիկ Հակոբյանը և ԿՄՍ վարչության պետ՝ Գարիկ Բադալյանը: