Նորություններ
ՄԱՐԶԻ ԱՎՏՈՃԱՆԱՊԱՐՀՆԵՐԸ ՇԱՐՈՒՆԱԿՎՈՒՄ ԵՆ ՄԱՔՐՎԵԼ
12.12.2013
Գեղարքունիքի մարզպետարանի աշխատակազմի քաղաքաշինության վարչության տրանսպորտի և ճանապարհաշինության բաժնի վարիչ Գևորգ Խաչատրյանի տեղեկացմամբ մարզի ճանապարհ սպասարկող կազմակերպությունների շուրջօրյա և անընդմեջ աշխատանքի արդյունքում ժամը 19-ի դրությամբ, թեև ավտոճանապարհների որոշ հատվածներում առկա է դժվարանցանելի իրավիճակ, սակայն Վարդենիս-Մարտունի-Գավառ-Սևան-Երևան ավտոճանապարհը բաց է ու երթևեկելի: Նույն ժամի դրությամբ ճանապարհ սպասարկող կազմակերպությունները աշխատանք են տանում նաև միջհամայնքային ճանապարհների բացման ուղղությամբ: Իսկ ձյունը շարունակում է տեղալ նույն առատությամբ: Հնարավոր խցանումներից կամ ճանապարհատրանսպորտային պատահարներից զերծ մնալու համար իրավիճակը վերահսկվում է ճանապարհային ոստիկանության աշխատակիցների և ճանապարհներ սպասարկող կազմակերպությունների կողմից: Ձնաբքի հետևանքով շարունակում է փակ մնալ Սելիմի լեռնանցքը և Սոթք-Քարվաճառ ավտոճանապարհը: