Տպել
Նորություններ
ՀԱՑԱՌԱՏԻ ՕՐԸ ՆՇԱՆԱՎՈՐՎԵՑ ԽԱՉԻ ՏԵՂԱԴՐՄԱՄԲ
08.10.2013
![](http://gegharkunik.mtad.am/files/n_pics/3999_s.jpg)
Գավառ քաղաքի Հացառատ թաղամասի մի խումբ գործարարների նախաձեռնությամբ 2012 թվականից հոկտեմբերի 7-ը հայտարարվել էր Հացառատի օր, որը նշվել էր համահացառատյան տոնախմբությամբ եւ Հայոց բանակի շարքերում մարտական ծառայության ժամանակ զոհված հացառատցիներին նվիրված հուշահամալիրի կառուցմամբ: Այս տարի Հացառատի օրը թաղամասում նշանավորվեց գերեզմանոցի բարձուքում տեղադրված 6 մետր բարձրության պողպատակուռ խաչի բացման եւ օծման արարողությամբ: Խաչի բացման եւ օծման արարողությանը մասնակցում էին Գեղարքունիքի մարզպետի տեղակալ Անդրանիկ Հակոբյանը, Գեղարքունյաց թեմի առաջնորդ Մարկոս եպիսկոպոս Հովհաննիսյանը, Գավառի տարածքի համայնքների ղեկավարները, Գավառի զինկոմ Խաժակ Սուչյանը, Հացառատ թաղամասի բնակիչներ: Նորաբաց խաչի օրհության կարգը կատարեց Գեղարքունյաց թեմի առաջնորդ Մարկոս եպիսկոպոս Հովհաննիսյանը: ՙԱյս Խաչը թող լինի հացառատցիներին ու հայ ժողովրդի բոլոր զավակներին միավորող, համախմբող զորություն, տունդարձի կանչ՚,- իր ելույթում նշեց Գեղարքունիքի մարզպետի տեղակալ Անդրանիկ Հակոբյանը: Միջոցառումը շարունակվեց Արցախյան ազատամարտում եւ Հայաստանի Հանրապետության սահմանները պաշտպանելիս զոհված հացառատցիների հուշահամալիրի մոտ: