Գեղարքունիքի մարզպետի աշխատակազմ

 Գեղարքունիքի մարզպետի կողմից մարզի տարածքներում կազմակերպվող քաղաքացիների ընդունելության ժամանակացույցի համաձայն հունիսի 25-ին Սևան քաղաքում մարզպետ Ռաֆիկ Գրիգորյանը  կատարեց  ընդունելություն:  Սևան քաղաքից և հարակից  համայնքներից ընդունելությանը մասնակցեց 30 քաղաքացի: Հաշվի առնելով որոշ  քաղաքացիների կողմից ներկայացրած սոցիալ տնտեսական  բարդ հիմնախնդիրները, մարզի ղեկավարը 22 քաղաքացու տրամադրեց տարբեր չափի դրամական օգնություն: Առողջապահական, կոմունալ, կենցաղային, աշխատանքային բնույթի խնդիրների վերաբերյալ  քաղաքացիների կողմից ներկայացրած դիմումների որոշ մասին  մարզի ղեկավարը  պատասխանեց տեղում: Իսկ  լրացուցիչ ուսումնասիրություն պահանջող դիմումները հաշվառվեցին մարզպետարանի աշխատակազմում և կպատասխանվեն օրենքով սահմանված ժամկետում: