Գեղարքունիքի մարզպետի աշխատակազմ

Գեղարքունիքի մարզպետարանի աշխատակազմի կրթության, մշակույթի եւ սպորտի վարչությունում ամփոփվել են 2012-2013 ուսումնական տարվա ՀՀ դպրոցականների առարկայական օլիմպիադաների հանրապետական փուլում  Գեղարքունիքի մարզի մասնակից աշակերտների ցույց տված արդյունքները:
Հանրապետական փուլին երաշխավորված 91 աշակերտներից մասնակցել են՝ 83-ը:
Գերմաներեն առարկայից առաջին կարգի դիպլոմի է արժանացել  Լիճք գյուղի միջնակարգ դպրոցի 12-րդ դասարանի աշակերտ Արամ Պողոսյանը:  9 աշակերտ  ստացել են երկրորդ եւ երրորդ կարգի դիպլոմներ, 10-ը` գովասանագրեր եւ 4-ը` պատվոգրեր:
Հանրապետական առարկայական օլիմպիադայում 6 մրցանակ շահել են Ճամբարակի ավագ դպրոցի, 4 մրցանակ` Սեւանի ավագ դպրոցի եւ 2 մրցանակ` Ծովագյուղի միջնակարգ դպրոցի աշակերտները:
Զովաբերի միջնակարգ, Գավառի թիվ  1 հիմնական, Վարդենիսի թիվ   2  հիմնական, Գավառի ավագ, Գանձակի թիվ 1 եւ 2 միջնակարգ, Վարդենիկի թիվ 1 հիմնական, Նորատուսի թիվ 2 միջնակարգ, Վարդենիսի ավագ, Գեղհովիտի թիվ 1 միջնակարգ, Կարմիրգյուղի թիվ 1 միջնակարգ դպրոցների աշակերտները շահել են մեկական մրցանակներ:  2012-2013 ուսումնական տարվա դպրոցականների առարկայական օլիմպիադաների առաջին կարգի դիպլոմների հանձնման արարողությունը տեղի է ունեցել 2013թ. մայիսի 18-ին,  ՀՀ Գիտությունների Ազգային Ակադեմիայի դահլիճում, որին մասնակցել են  բոլոր առաջին կարգի դիպլոմակիրները, այդ թվում` Գեղարքունիքի  մարզի միակ հաղթողը`  Արամ Պողոսյանը: Երկրորդ, երրորդ կարգի դիպլոմները եւ գովասանագրերը հաղթողներին կհանձնվեն Գեղարքունիքի մարզպետարանում, հանդիսավոր պայմաններում: