Գեղարքունիքի մարզպետի աշխատակազմ

 Գեղարքունիքի մարզի  Մարտունի քաղաքի թիվ 3 միջնակարգ դպրոցում տեղի ունեցավ  հանրապետական մանկապատանեկան ասմունքի 6-րդ մարզային փառատոնը, որը նվիրված էր հայ մեծանուն բանաստեղծներ Համո Սահյանին եւ Պարույր Սեւակին:Ամենամյա ասմունքի փառատոնը անցկացվում է ՀՀ Աժ նախագահ Հովիկ Աբրահամյանի հովանո ներքո:
Հանրապետական ասմունքի մանկապատանեկան փառատոնի տարածքային  փուլին Գեղարքունիքի մարզից մասնակցել են շուրջ 2000 դպրոցական, որոնցից մարզային փուլ են դուրս եկել 38-ը:
Մարզային  փուլին  մասնակցելու իրավունք ստացած աշակերտներից 20-ը ներկայացնում էին 11-14  եւ 18  դպրոցական` 15-17 տարիքային խմբերը:
Հանրապետական փուլի ուղեգիր նվաճելու համար յուրաքանչյուր դպրոցական հանդես  եկավ երկուական  ասմունքով` ներկայացնելով Համո Սահյանի եւ Պարույր Սեւակի ստեղծագործություններից:
Ժյուրիի  կազմը, որում ընդգրկված էին   գիտնականներ, արտիստներ ու ասմունքողներ, հաղթող ճանաչեց  6 մասնակցի:
11-14 տարիքային խմբում  առաջին տեղը գրավեց  Գավառի թիվ 4 հիմնական դպրոցի աշակերտուհի, 11 տարեկան Ալլա Վարդանյանը, 2-րդ տեղը`   Մարտունու թիվ 1 միջնակարգ դպրոցի աշակերտուհի, 14 տարեկան Սոնա Կարապետյանը,
Երրորդ տեղը` Ներքին Գետաշենի թիվ 1 միջնակարգ դպրոցի աշակերտուհի,14 տարեկան Համասփյուռ Հովհաննիսյանը:
15-17 տարեկանների տարիքային խմբում  առաջին տեղը գրավեց  Մարտունու թիվ 3 միջնակարգ դպրոցի աշակերտուհի, 17 տարեկան Ադա Դավթյանը, 2-րդ տեղը` Նորատուսի թիվ 2 միջնակարգ դպրոցի աշակերտ, 16 տարեկան Գարիկ Ներսիսյանը, 3-րդ տեղը` Ծովագյուղի միջնակարգ դպրոցի աշակերտուհի, 17 տարեկան Լիա Մովսիսյանը:
 Հաղթող ճանաչվածներից  ամենաբարձր միավորները  վաստակեց  Ադա Դավթյանը: Մրցանակային տեղեր գրաված 6 մասնակիցները կմասնակցեն ասմունքի փառատոնի հանրապետական եզրափակիչ փուլին, որը կկայանա մայիսի 27-ին, Վայոց Ձորում, իսկ մրցանակաբաշխությունը տեղի կունենա  մայիսի 28-ին նույն վայրում  կայանալիք  գալա համերգի ժամանակ:    Գեղարքունիքի մարզպետի կողմից մարզային փուլում հաղթող ճանաչված  եւ հանրապետական փուլին մասնակցելու իրավունք ստացած աշակերտներին նվերներ   հանձնեց Գեղարքունիքի մարզպետարանի աշխատակազմի ԿՄՍ վարչության պետ Գարիկ Բադալյանը: