Գեղարքունիքի մարզպետի աշխատակազմ

Մայիսի  7-ին Գեղարքունիքի մարզպետարանում  մարզպետ Ռաֆիկ Գրիգորյանը կատարեց  քաղաքացիների  ընդունելություն:  Հաշվի առնելով ներկայացրած հիմնախնդիրների լուծման  դժվարությունները,    մարզի ղեկավարը իրեն  դիմած  39 քաղաքացիներից  23-ին     հատկացրեց  տարբեր չափի դրամական օգնություն: Ընդունելությանը մասնակից քաղաքացիներից 4-ը  մարզպետին դիմեց աշխատանքի տեղավորման, 6 քաղաքացի հանգստյան տան ուղեգիր ձեռք բերելու, 2 քաղաքացի՝ պետպատվերի շրջանակներում  բուժման մեկնելու խնդրանքով: Սարուխան համայնքից մի խումբ բնակիչներ  խնդրեցին  մարզպետի միջնորդությունը՝   իրենց թաղամասում առկա ջրահեռացման խնդրի լուծման հարցում: Մարտունիից 1  քաղաքացի  դիմում ներկայացրեց իր հողատարածքի շուրջ ծագած խնդրի կարգավորման, Թթուջուր համայնքից  1 քաղաքացի՝ բնակարանի  բարելավման նպատակով աջակցություն ստանալու  վերաբերյալ: Ռաֆիկ Գրիգորյանը ընդառաջեց նաև  Կարմիրգյուղ համայնքից  հաշմանդամ ազատամարտիկին՝  շինարարական աշխատանքների կազմակերպման հարցում:   Քաղաքացիների կողմից ներկայացրած և մարզպետարանում հաշվառված  դիմումների որոշ մասին աշխատակազմը օրենքով սահմանված ժամկետում կտա գրավոր պատասխան: