Գեղարքունիքի մարզպետի աշխատակազմ

Մայրեր, տիկնայք եւ դուստրեր հայոց աշխարհի

Ձեր գեղեցկությամբ, շնորհներով, նվիրման ու արարման կամքով դուք եք շարունակում իմաստավորել մեր կյանքը, ներկան ու ապագան, պատմության ընթացքը, պետականության ուղին: Դուք շարունակում եք փառավորել ձեր մայրերի ու տատերի բազմաչարչար, բայց միշտ կենսական ուղին` փայլելով ինչպես  Արցախյան գոյամարտում , այնպես էլ հանրային կյանքի ամենատարբեր ոլորտներում: Դուք եք մշտապես վառ պահում հայ ընտանիքի լուսավոր ջահը, որից էլ սկզբնավորվում ու շարունակվում է հայոց հայրենիքը: Դուք եք փայփայում ու սերունդներին փոխանցում հայոց լեզուն, մեր նախնիներից ավանդված ազգային եւ համամարդկային բարոյական արժեքները: Եվ հայ տղամարդկանց համար չկա ավելի վեհ նպատակ` քան նվիրվել ձեզ ու ձեր բոլոր լուսավոր երազանքների իրականացմանը:
Օգտվելով առիթից` ջերմորեն շնորհավորում եմ ձեզ կանանց տոնի՝ մարտի 8-ի առթիվ, ցանկանում բոլորիդ խաղաղ երկինք,արեւոտ ու սիրառատ գարուն, ընտանեկան սեր ու երջանկություն, քաջ առողջություն, անսպառ հաջողություններ:
Թող իրականանան ձեր բոլոր սպասումները, ցանկություններն ու երազանքները, թող մեր աշխարհը միշտ շնչի մայրության եւ սիրո  եզերքում, թող միշտ խաղաղ ու բարեկեցիկ հայրենիքում ծլեն ձեր ցանած առողջ սերմերը:
Բարին ընդ ձեզ:
Լավագույն ցանկություններով` Գեղարքունիքի մարզպետ  Ռաֆիկ Գրիգորյան